ಕಾರವಾರ : ಕರ್ನಾಟಕ ರಾಜ್ಯದ ಹೆಲ್ತ ಬುಲೆಟಿನ್ ಪ್ರಕಾರ ಉತ್ತರಕನ್ನಡದಲ್ಲಿ ನಿನ್ನೆ ಒಟ್ಟೂ ಅಂದರೆ 06/05/2021 ರ ಸಂಜೆ ಒಳಗೆ 734 ಕರೋನಾ ಪಾಸಿಟಿವ್ ವರದಿಯಾಗಿದ್ದು ಆರು ಜನರು ಕರೋನಾಕ್ಕೆ ಬಲಿಯಾಗಿದ್ದಾರೆ.
ಆರೋಗ್ಯ ಇಲಾಖೆ ಮೂಲಗಳ ಪ್ರಕಾರ ರಾತ್ರಿ 9:30 ರ ಒಳಗೆ ಒಟ್ಟು 1060 ಜನರಿಗೆ ಕರೋನಾ ಪಾಸಿಟಿವ್ ವರದಿಯಾಗಿದೆ ಎಂದು ತಿಳಿದುಬಂದಿದೆ. (ನಾಳಿನ ಬುಲಟಿನ್ ನಲ್ಲಿ ಈ ಸಂಖ್ಯೆ ಸೇರ್ಪಡೆ ಗೊಳ್ಳಲಿದೆ ಎನ್ನಲಾಗಿದೆ.)
ಜಿಲ್ಲೆಯಲ್ಲಿ ಕಾರವಾರದಲ್ಲಿ ಕಳೆದ ಮೂರು ದಿನಗಳಿಂದ ಕರೋನಾ ಸೋಂಕಿತ ಸಂಖ್ಯೆ ಪ್ರತಿ ದಿನ 150 ರಿಂದ 200ರ ಗಡಿ ದಾಟಿದೆ. ನಂತರದ ಸ್ಥಾನದಲ್ಲಿ ಅಂಕೋಲ,ಶಿರಸಿ ,ಯಲ್ಲಾಪುರ ಸ್ಥಾನ ಪಡೆದುಕೊಂಡಿದೆ.
ಈ ಬಾರಿ ಹಳ್ಳಿ ಭಾಗದಲ್ಲಿ ಅತೀ ಹೆಚ್ಚು ಸೋಂಕಿತರ ಸಂಖ್ಯೆ ದಾಖಲಾಗುತ್ತಿದೆ. ಇನ್ನು ಸಾವಿನ ಸಂಖ್ಯೆಯಲ್ಲೂ 18 ರಿಂದ 45 ವರ್ಷ ವಯಸ್ಸಿನವರೇ ಬಲಿಯಾಗುತಿದ್ದು ಈ ಸಂಖ್ಯೆ ಜಿಲ್ಲೆಯಲ್ಲಿ ಏರಿಕೆ ಕಾಣುತ್ತಿದೆ.
ಜಿಲ್ಲೆಯಲ್ಲಿ 4500 ಜನ ಹೋಮ್ ಐಸೋಲೇಷನ್ ನಲ್ಲಿ ಚಿಕಿತ್ಸೆ ಪಡೆಯುತಿದ್ದಾರೆ. ಜಿಲ್ಲೆಯಲ್ಲಿ ಬೆಂಗಳೂರು ಭಾಗದಿಂದ ಬಂದವರಿಂದಾಗಿ ಸಹ ಸೋಂಕು ಹರಡುತಿದ್ದು ಜನರು ಭಯ ಪಡುವಂತೆ ಮಾಡಿದೆ.
