ಕುಮಟಾ: ಎರಡು ಬೈಕ್‍ಗಳ ನಡುವೆ ಹಿರೇಗುತ್ತಿ ಬಳಿ ಅಪಘಾತ ಸಂಭವಿಸಿ, ಮೂವರಿಗೆ ಗಾಯವಾದ ಘಟನೆ ವರದಿಯಾಗಿದೆ.ಗಾಯಾಳುಗಳನ್ನು ರಾಜೇಶ್ ನಾಯ್ಕ, ಆತನ ಪತ್ನಿ ಮತ್ತು ರಾಮಾ ಹರಿಕಾಂತ ಎಂದು ಗುರುತಿಸಲಾಗಿದೆ.
ಸ್ಕೂಟಿ ಸವಾರ, ಯಾವುದೇ ಸಿಗ್ನಲ್ ನೀಡದೆ, ಸಡನ್ ಆಗಿ ತಿರುಗಿಸಿದ್ದರಿಂದ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಡಿಕ್ಕಿಯ ರಭಸದಿಂದಾಗಿ ಮೂವರು ನಡುರಸ್ತೆಯಲ್ಲೇ ಕೆಳಕ್ಕೆ ಬಿದ್ದಿದ್ದರು. ಈ ವೇಳೆ ಕೂಡಲೇ ಸ್ಥಳಕ್ಕೆ ಆಗಮಿಸಿದ ಸ್ಥಳೀಯರು, ಗಾಯಾಗಳನ್ನು ಮೇಲೆತ್ತಿದ್ದಾರೆ.
ಆಂಬುಲೆನ್ಸ್ ಗೆ ಸ್ಥಳೀಯರು ಮಾಹಿತಿ ನೀಡಿದ್ದು, ಗಾಯಾಳುಗಳನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸ್ಥಳಕ್ಕೆ ಗೋಕರ್ಣ ಪೋಲೀಸರು ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದಾರೆ.
