ಕುಮಟಾ : ಶಿಕ್ಷಕರ ದಿನಾಚರಣೆಯ ಅಂಗವಾಗಿ ರೋಟರಿ ಇಂಟರ್ ನ್ಯಾಷನಲ್ ರವರು ಸಾಧಕ ಶಿಕ್ಷಕರನ್ನು ಗುರುತಿಸಿ ದಿನಾಂಕ 17.09.2021 ರಂದು ರೋಟರಿ ಸಭಾಭವನದಲ್ಲಿ 06 ಜನ ಶಿಕ್ಷಕರಿಗೆ Nation Builder Award 2021 ನೀಡಿ ಗೌರವಿಸಿದರು. ಶಿಕ್ಷಕರಾದ ಶ್ರೀ ರವೀಂದ್ರ ಭಟ್ ಸೂರಿ ,ಶ್ರೀ ಮಂಜುನಾಥ ಎಂ.ನಾಯ್ಕ ,ಶ್ರೀಮತಿ ಶೈಲಾ ಡಿ.ನಾಯ್ಕ ,ಶ್ರೀ ಡಿ.ಜಿ.ಪಂಡಿತ ಶ್ರೀ ಹರೀಶ್ಚಂದ್ರ ಗುನಗಾ ಹಾಗೂ ಶ್ರೀಮತಿ ಸಂಧ್ಯಾ ರಾಯ್ಕರ್ ರವರನ್ನು ಈ ಸಂದರ್ಭದಲ್ಲಿ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ಕುಮಟಾ ಡಯಟ್ ಪ್ರಾಂಶುಪಾಲರಾದ ಶ್ರೀ ಈಶ್ವರ ಎಚ್.ನಾಯ್ಕ ರವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಇಂತಹ ಸ್ಪೂರ್ತಿದಾಯಕ ಕಾರ್ಯಕ್ರಮಗಳು ರೋಟರಿಯಿಂದ ನಡೆಯುತ್ತಿರುವುದು ಶ್ಲಾಘನೀಯ. ವಿವಿಧ ಸಾಧಕರನ್ನು ಗುರುತಿಸಿ ಸನ್ಮಾನಿಸಲು ಸಂತಸವಾಗುತ್ತಿದೆ ಎಂದು ಅಭಿಪ್ರಾಯಪಟ್ಟರು.
ಕುಮಟಾ ರೋಟರಿ ಕ್ಲಬ್ ನ ಅಧ್ಯಕ್ಷರಾದ ಡಾ. ನಮಿತಾ ಶಾನಭಾಗ ಸರ್ವರನ್ನೂ ಸ್ವಾಗತಿಸಿದರು. ರೋಟರಿ ಕಾರ್ಯದರ್ಶಿ ಶಿಲ್ಪಾ ಜಿನರಾಜ ವರದಿ ವಾಚಿಸಿದರು. ರೋಟರಿಯ ಪದಾಧಿಕಾರಿಗಳಾದ ಸುರೇಶ ಭಟ್, ವಸಂತ ರಾವ್, ಅತುಲ ಕಾಮತ್ ಹಾಗೂ ಇತರರು ಹಾಜರಿದ್ದರು.
