ಸಿದ್ದಾಪುರ: ಉತ್ತರಕನ್ನಡದ ಅನೇಕ ಭಾಗಗಳಲ್ಲಿ ಯುವತಿಯರ ನಾಪತ್ತೆ ಪ್ರಕರಣಗಳು ಹಾಗೂ ವ್ಯಕ್ತಿಗಳ ನಾಪತ್ತೆ ಪ್ರಕರಣಗಳು ಪದೇ ಪದೇ ವರದಿಯಾಗುತ್ತಿವೆ. ಇಂತಹುದೇ ಒಂದು ಪ್ರಕರಣ ಸಿದ್ಧಾಪುರದಿಂದ ವರದಿಯಾಗಿದೆ. ಪಟ್ಟಣದ ಗಂಗಾಬಿಕಾ ದೇವಾಲಯದ ಸಮೀಪ ರವೀಂದ್ರ ನಗರದಲ್ಲಿ ಮೊಬೈಲ್‌ಗೆ ಕರೆನ್ಸಿ ಹಾಕಿಕೊಂಡು ಬರುತ್ತೇನೆ ಎಂದು ಹೇಳಿ ಮನೆಯಿಂದ ಹೋಗಿದ್ದವನು ವಾಪಸ್ ಮನೆಗೆ ಬರದೇ ನಾಪತ್ತೆಯಾದ ಘಟನೆ ನಡೆದಿದೆ.ಕಾಣೆಯಾದ ವ್ಯಕ್ತಿ ಪುಂಡಲೀಕ ಗೋವಿಂದ ಅಂಬಿಗ (32) ಪಟ್ಟಣದ ಗಂಗಾಬಿಕಾ ದೇವಾಲಯದ ಸಮೀಪ ರವೀಂದ್ರ ನಗರ ನಿವಾಸಿ.
ಕಾಣೆಯಾದ ವ್ಯಕ್ತಿ 5 ಅಡಿ ಎತ್ತರ, ಗೋದಿ ಮೈ ಬಣ್ಣ, ದುಂಡನೆ ಮುಖ, ಹೊಂದಿದ್ದು, ಮನೆಯಿಂದ ಹೋಗುವಾಗ ಕೇಸರಿ ಪಂಜೆ ನೀಲಿ ಶರ್ಟ್ ಧರಿಸಿದ್ದಾನೆ. ಕನ್ನಡ ಮಾತನಾಡುತ್ತಾನೆ. ಕಾಣೆಯಾದ ಮಗನನ್ನು ಹುಡುಕಿಕೊಡುವಂತೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಈ ರೀತಿಯ ಹೋಲಿಕೆ ಇರುವ ವ್ಯಕ್ತಿ ಕಂಡುಬoದಲ್ಲಿ ಹತ್ತಿರದ ಠಾಣೆಗೆ ಮಾಹಿತಿ ನೀಡುವಂತೆ ಕೋರಲಾಗಿದೆ. ಅಥವಾ 9902230051 ಈ ನಂಬರ್ ಗೆ ಕರೆಮಾಡಿ ತಿಳಿಸಲು ವಿನಂತಿಸಲಾಗಿದೆ.
