ಸಾಮಾಜಿಕ ಮಾಧ್ಯಮ ವೇದಿಕೆಗಳಾದ ವಾಟ್ಸಾಪ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ ಇದ್ದಕ್ಕಿದ್ದಂತೆ ವಿಶ್ವಾದ್ಯಂತ ಕೆಲಸ ಮಾಡುವುದನ್ನು ನಿಲ್ಲಿಸಿವೆ. ಈ ಸಮಸ್ಯೆ ಸೋಮವಾರ ರಾತ್ರಿ 9.15 ರ ಸುಮಾರಿಗೆ ಆರಂಭವಾಗಿತ್ತು, ಎಲ್ಲಾ ಮೂರು ಸಾಮಾಜಿಕ ಮಾಧ್ಯಮ ವೇದಿಕೆಗಳು ಭಾರತ ಸೇರಿದಂತೆ ಪ್ರಪಂಚದಾದ್ಯಂತ ಶತಕೋಟಿ ಬಳಕೆದಾರರನ್ನು ಹೊಂದಿವೆ. ಇದರ ನಂತರ ಜನರು ತಕ್ಷಣವೇ ತಮ್ಮ ಪ್ರತಿಕ್ರಿಯೆಗಳನ್ನು ಟ್ವಿಟರ್‍ನಲ್ಲಿ ನೀಡಲು ಆರಂಭಿಸಿದರು.
ಜನರಿಗೆ ಸಂದೇಶಗಳನ್ನು ಕಳುಹಿಸಲು ಅಥವಾ ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ. ಕಂಪನಿಯ ಸರ್ವರ್ ಡೌನ್ ಆಗಿರುವ ಕಾರಣ ಈ ಸಮಸ್ಯೆ ಬರುತ್ತಿದೆ. ಔಟೇಜ್ ಟ್ರ್ಯಾಕಿಂಗ್ ಕಂಪನಿ ಡೌಂಡೆಟೆಕ್ಟರ್ ಡಾಟ್ ಕಾಮ್ ಪ್ರಕಾರ, 80 ಸಾವಿರ ಬಳಕೆದಾರರು ವಾಟ್ಸಾಪ್ ಗೆ ದೂರು ಸಲ್ಲಿಸಿದ್ದಾರೆ ಮತ್ತು 50 ಸಾವಿರಕ್ಕೂ ಹೆಚ್ಚು ಮಂದಿ ಫೇಸ್ ಬುಕ್ ಗೆ ದೂರು ನೀಡಿದ್ದಾರೆ.
ಫೇಸ್ಬುಕ್, ವಾಟ್ಸಾಪ್ ಮತ್ತು ಇನ್ಸ್ಟಾಗ್ರಾಮ್ ಎಲ್ಲಾ ಮೂರು ಜಾಲತಾಣವನ್ನು ಫೇಸ್ಬುಕ್ ಹೊಂದಿದೆ ಎಂದು ಸ್ಪಷ್ಟಪಡಿಸಿದೆ. ಕೆಲವು ಜನರು ಆಪ್ ಬಳಸುವುದರಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ. ಇದಕ್ಕಾಗಿ ನಾವು ಕ್ಷಮೆಯಾಚಿಸುತ್ತೇವೆ. ಶೀಘ್ರದಲ್ಲೇ ಈ ಸಮಸ್ಯೆ ಬಗೆಹರಿಯಲಿದೆ ಎಂದು ಸೇವೆಯನ್ನು ಸ್ಥಗಿತಗೊಳಿಸಿದ ನಂತರ, ಫೇಸ್ಬುಕ್ ಹೇಳಿದೆ.
2019 ರಲ್ಲಿ, ಫೇಸ್ಬುಕ್ ಇದುವರೆಗೆ ಅತಿದೊಡ್ಡ ನೆಟ್‍ವರ್ಕ್ ಡೌನ್ ಸಮಸ್ಯೆ ಎದುರಿಸಿತ್ತು. ಆ ಸಮಯದಲ್ಲಿಯೂ ಸಹ, ಕಂಪನಿಯು ದಿನನಿತ್ಯದ ನಿರ್ವಹಣಾ ಕಾರ್ಯಾಚರಣೆಯಲ್ಲಿ ಕೆಲವು ದೋಷ ಸಂಭವಿಸಿದೆ ಎಂದು ಮಾತ್ರ ಹೇಳಿತ್ತು.
ಸುಮಾರು 6 ತಿಂಗಳ ಹಿಂದೆ, ವಾಟ್ಸಾಪ್, ಇನ್ಸ್ಟಾಗ್ರಾಮ್ ಮತ್ತು ಫೇಸ್ಬುಕ್ 42 ನಿಮಿಷಗಳ ಕಾಲ ಪ್ರಪಂಚದಾದ್ಯಂತ ಸ್ಥಗಿತಗೊಂಡಿದ್ದವು. ಅದೇ ಸಮಯದಲ್ಲಿ, ಸಾಮಾಜಿಕ ಮಾಧ್ಯಮದಲ್ಲಿ ವಾಟ್ಸಾಪ್ ನೀಡಿದ ಹೇಳಿಕೆಯಲ್ಲಿ, ಈ ಸಮಯದಲ್ಲಿ ಕೆಲವು ಜನರು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಎಂದು ನಮಗೆ ತಿಳಿದಿದೆ ಎಂದು ಹೇಳಲಾಗಿದೆ. ವಿಷಯಗಳನ್ನು ಸಾಮಾನ್ಯ ಸ್ಥಿತಿಗೆ ತರಲು ನಾವು ಕೆಲಸ ಮಾಡುತ್ತಿದ್ದೇವೆ ಮತ್ತು ಆದಷ್ಟು ಬೇಗ ನಿಮಗೆ ತಿಳಿಸುತ್ತೇವೆ. ನಿಮ್ಮ ಸಹನೆಗೆ ಧನ್ಯವಾದಗಳು ಎಂದಿದೆ.
ಫೇಸ್ಬುಕ್ ಡೌನ್ ಆಗಿರುವ ಪ್ರಕರಣಗಳು ಬಹಳ ಕಡಿಮೆ. ಅದೇನೇ ಇದ್ದರೂ, ಇದು ಸಂಭವಿಸಿದಾಗ, ಪ್ರಪಂಚದಾದ್ಯಂತದ ಸಾಮಾಜಿಕ ಮಾಧ್ಯಮ ಬಳಕೆದಾರರ ಮೇಲೆ ಬಹಳಷ್ಟು ಪರಿಣಾಮ ಬೀರುತ್ತದೆ, ಏಕೆಂದರೆ ಎಲ್ಲಾ ಮೂರು ಪ್ರಮುಖ ಸಾಮಾಜಿಕ ಮಾಧ್ಯಮ ವೇದಿಕೆಗಳು ಫೇಸ್‍ಬುಕ್‍ಗೆ ಸೇರಿವೆ. ಕಂಪನಿಯು ಅಂತಹ ನಿಧಾನಗತಿಯ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡುವುದಿಲ್ಲ, ಅಥವಾ ಇದಕ್ಕೆ ಯಾವುದೇ ಕಾರಣವನ್ನು ನೀಡುವುದಿಲ್ಲ.
