ಕಾರವಾರ: ಪೆಟ್ರೋಲ್ ಬಂಕ್ ನಲ್ಲಿ ಶವವೊಂದು ಪತ್ತೆಯಾಗುವ ಮೂಲಕ ಕಾರವಾರ ನಗರದಲ್ಲಿ ಗೊಂದಲದ ವಾತಾವರಣ ನಿರ್ಮಾಣವಾದ ಘಟನೆ ವರದಿಯಾಗಿದೆ. ವ್ಯಕ್ತಿ ಯಾವ ಸಮಯಕ್ಕೆ ಇಲ್ಲಿ ಬಂದಿದ್ದ ಎಂಬ ಬಗ್ಗೆ ಮಾಹಿತಿ ಇಲ್ಲವಾಗಿದ್ದು, ಇಂದು ಬೆಳಿಗ್ಗೆ ಶವ ಪತ್ತೆಯಾಗಿದೆ
ನಗರದ ಹಳದಿಪುರ ಪೆಟ್ರೋಲ್ ಬಂಕ್ ನಲ್ಲಿ ಇಂದು ಮುಂಜಾನೆ ಶವವೊಂದು ಪತ್ತೆಯಾಗಿದ್ದು, ಪತ್ತೆಯಾದ ಶವವು ಮಹರಾಷ್ಟ್ರ ಮೂಲದ್ದು ಎಂದು ಹೇಳಲಾಗುತಿದೆ.
ವ್ಯಕ್ತಿ ಮೃತನಾಗಿರುವ ಸ್ಥಳದಲ್ಲಿ ಆಸ್ಪತ್ರೆಯ ಚೀಟಿ ,ಇತರೆ ದಾಖಲೆಗಳು ದೊರೆತಿದೆ. ಕೈ ಭಾಗದಲ್ಲಿ ಇಂಜೆಕ್ಷನ್ ಚುಚ್ಚಿರುವ ಗುರುತುಗಳಿದ್ದು ಈತ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆಯೇ? ಅಥವಾ ಹಾಗೆಯೇ ಸತ್ತಿದ್ದಾನೆಯೇ? ಎಂಬ ಕುರಿತು ಮಾಹಿತಿ ಹೊರಬರಬೇಕಿದೆ.
ಕಾರವಾರ ನಗರ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ. ಈ ಬಗ್ಗೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದು ತನಿಖೆ ನಡೆಸುತ್ತಿದ್ದಾರೆ ವ್ಯಕ್ತಿಯ ಗುರುತು ಹಾಗೂ ವ್ಯಕ್ತಿಯ ಹಿನ್ನೆಲೆಗಳ ಅಧ್ಯಯನದ ನಂತರ ವ್ಯಕ್ತಿಯ ಸಾವಿಗೆ ನಿಖರ ಕಾರಣ ಹಾಗೂ ಇನ್ನಿತರ ಮಾಹಿತಿಗಳು ತಿಳಿದುಬರಬೇಕಿದೆ.
