ಕುಮಟಾ: ಇದೇ ಮೊದಲ ಬಾರಿಗೆ ಕುಮಟಾ ರೋಟರಿ ಕ್ಲಬ್ ಹಾಗೂ ರೋಟರಿ ಸರ್ವೀಸ್ ಸೊಸೈಟಿ ಜಂಟಿಯಾಗಿ ಆಹಾರ ಮತ್ತು ಸಾಂಸ್ಕøತಿಕ ಮೇಳವನ್ನೊಳಗೊಂಡ ‘ಕುಮಟಾ ರೋಟರಿ ಉತ್ಸವ’ವನ್ನು ಆಯೋಜಿಸುತ್ತಿದೆ. ಮಹಾತ್ಮಾ ಗಾಂಧಿ ಕ್ರೀಡಾಂಗಣದಲ್ಲಿ ಡಿ. 2 ರಿಂದ 5 ರವರೆಗೆ ನಡೆಯಲಿರುವ ಈ ಉತ್ಸವದಲ್ಲಿ ಪೂರ್ತಿ ಮನರಂಜನೆ, ಮೋಜು, ತಿಂಡಿ-ತಿನಿಸು ಗಳನ್ನೊಳಗೊಂಡಂತೆ ವೈವಿಧ್ಯಮಯ ಸಾಂಸ್ಕøತಿಕ ಲೋಕ ತೆರೆದುಕೊಳ್ಳಲಿದೆ.
ತಾಲ್ಲೂಕಿನಲ್ಲಿರುವ ಜಿಲ್ಲೆಯ ಜೀವನಾಡಿ ‘ಉತ್ತರ ಕನ್ನಡ ಬ್ಲಡ್ ಬ್ಯಾಂಕ್’ ಹಾಗೂ ಸಂಗೀತ-ನೃತ್ಯಪಾಠಶಾಲೆ ‘ನಾದಶ್ರೀ ಕಲಾಕೇಂದ್ರ’ದ ಉನ್ನತೀಕರಣಕ್ಕಾಗಿ ನಿಧಿ ಸಂಗ್ರಹಣೆಯ ಸದುದ್ದೇಶ ಹೊಂದಿರುವ ಈ ಕಾರ್ಯಕ್ರಮಕ್ಕೆ ಸಾರ್ವಜನಿಕರು ಪ್ರೋತ್ಸಾಹಿಸಬೇಕಾಗಿ ರೋಟರಿ ಕ್ಲಬ್ ಅಧ್ಯಕ್ಷರಾದ ಡಾ. ನಮೃತಾ ಶಾನಭಾಗ ಮತ್ತು ಕಾರ್ಯದರ್ಶಿ ಶಿಲ್ಪಾ ಜಿನರಾಜ್ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ.
