ಕುಮಟಾ: ತಾಲೂಕಾ ಮಟ್ಟದಲ್ಲಿ ನಡೆದ ಕ್ರೀಡಾಕೂಟದಲ್ಲಿ ಚಿತ್ರಿಗಿ ಮಹಾತ್ಮಾ ಗಾಂಧಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಬಾಲ್ ಬ್ಯಾಡ್ಮಿಂಟನ್, ಶಟಲ್ ಬ್ಯಾಡ್ಮಿಂಟನ್, ಚೆಸ್ ಹಾಗೂ ಯೋಗ ಸ್ಪರ್ಧೆಗಳಲ್ಲಿ ಪ್ರಥಮರಾಗಿ ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ. ವಿದ್ಯಾರ್ಥಿನಿಯರಾದ ಹೇಮಾ ಎಸ್. ಪಟಗಾರ, ಕಾಂಚಿಕಾ ಜಿ. ಮಡಿವಾಳ, ಸುಪ್ರಿಯಾ ವಿ.ನಾಯ್ಕ, ತನುಜಾ ಡಿ. ಗೌಡ, ಸಿಂಡ್ರೆಲ್ಲಾ ಎಂ. ಫರ್ನಾಂಡಿಸ್, ಪಲ್ಲವಿ ಎನ್. ಹರಿಕಾಂತ, ಜೆನ್ ಆಯ್. ಫರ್ನಾಂಡಿಸ್, ತನುಜಾ ಎಸ್. ನಾಯ್ಕ, ಸೌಂದರ್ಯ ಆರ್. ನಾಯ್ಕ, ರಕ್ಷಿತಾ ಜಿ. ಪಟಗಾರ ಮತ್ತು ಅವಳಿಗಳಾದ ಸುಬ್ರಹ್ಮಣ್ಯ ವಿ.ಗುನಗಾ, ಸುಪ್ರಸನ್ನ ವಿ.ಗುನಗಾ ಪ್ರತಿಭಾವಂತ ಕ್ರೀಡಾಳುಗಳು. ದೈಹಿಕ ಶಿಕ್ಷಕ ಲಕ್ಷ್ಮಣ ಅಂಬಿಗ, ತಂಡದ ಮುಖ್ಯಸ್ಥರಾದ ಪ್ರದೀಪ ನಾಯ್ಕ ಮತ್ತು ಸ್ವಾತಿ ನಾಯ್ಕ ಮಾರ್ಗದರ್ಶನ ನೀಡಿದ್ದರು.
