ಕಾರವಾರ : ತಾಲೂಕಿನ ಬಿಣಗಾ ಬಳಿ ಕಾಡು ಹಂದಿ ದಾಳಿ ನಡೆಸಿ ಬೆಳಗಿನಜಾವ ವಾಕಿಂಗ್ ಹೊರಟಿದ್ದ ವ್ಯಕ್ತಿಯೊಬ್ಬ ಗಂಭೀರವಾಗಿ ಗಾಯಗೊಂಡ ಘಟನೆ ನಡೆದಿದೆ. ಕಾಡು ಹಂದಿಯಿಂದ ತಪ್ಪಿಸಿಕೊಳ್ಳಲು ವ್ಯಕ್ತಿ ಹರಸಾಹಸ ಪಟ್ಟಿದ್ದು, ಹಂದಿಯನ್ನು ಕಂಡ ವ್ಯಕ್ತಿ ಜಿಗಿದು ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದಾರಾದರೂ, ವ್ಯಕ್ತಿಯ ಒಂದು ಕಾಲನ್ನು ಹಂದಿ ಕಚ್ಚಿ ಗಾಯಗೊಳಿಸಿದೆ ಎನ್ನಲಾಗಿದೆ.
ಬೆಳಿಗ್ಗೆ ವಾಕಿಂಗ್ ಹೋಗುವಾಗ ಬಿಣಗಾ ಗುನಗಿವಾಡ ಹಿರಿಯ ಪ್ರಾಥಮಿಕ ಕನ್ನಡ ಶಾಲೆ ಹತ್ತಿರ ಬೆಳಗ್ಗೆ ಕಾಡು ಹಂದಿ ಬಿಣಗಾ ನಿವಾಸಿ ರವಿಕಾಂತ ಎಂ.ನಾಯ್ಕ ಎನ್ನುವವರ ಮೇಲೆ ದಾಳಿ ನಡೆಸಿದೆ. ಹಂದಿ ವ್ಯಕ್ತಿಯನ್ನು ಕಾಣುತ್ತಿದ್ದಂತೆ ಧಾವಿಸಿ ಬಂದು ದಾಳಿ ಮಾಡಿದೆ ಎನ್ನಲಾಗಿದೆ. ಕೂಡಲೇ ಸ್ಥಳೀಯರು ಇವರ ರಕ್ಷಣೆಗೆ ಧಾವಿಸಿ ಸಿವಿಲ್ ಆಸ್ಪತ್ರೆಯಲ್ಲಿ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ.
