ಕುಮಟಾ : ದಿನಾಂಕ – ೦೬/೦೨/೨೦೨೨ ರಂದು ತ್ರಿಶಾ ಕ್ಲಾಸಸ್ ನವರು ಪದವಿ ಪೂರ್ವ ವಿದ್ಯಾರ್ಥಿಗಳಿಗೆ ಆಯೋಜಿಸಿದ ರಾಜ್ಯಮಟ್ಟದ ತ್ರಿಶಾ ಸ್ಕಾಲರ್ ಶಿಪ್ ಟೆಸ್ಟ್ನಲ್ಲಿ ತಾಲೂಕಿನ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ನ ಸರಸ್ವತಿ ಪದವಿ ಪೂರ್ವ ಕಾಲೇಜಿನ ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳ ಅಮೋಘ ಸಾಧನೆ ಮಾಡಿದ್ದು, ಸಂಸ್ಥೆಯವರು ಅವರನ್ನು ಅಭಿನಂದಿಸಿದ್ದಾರೆ.
ಸಂಸ್ಥೆಯ ವಾಣಿಜ್ಯ ವಿಭಾಗದ ೮ ವಿದ್ಯಾರ್ಥಿಗಳಾದ ಅನೀಶ್ ಎಲ್. ನಾಯ್ಕ, ಗಣಪತಿ ಎಸ್. ನಾಯಕ, ಪ್ರವೀಣ್ ಜಿ. ಭಂಡರ‍್ಕರ್, ವಿಶ್ವಜಿತ್ ಎಲ್. ಶ್ಯಾನ್‌ಭಾಗ, ಮೆಹರ್ ಎನ್. ಸಯ್ಯದ್, ರೋಶನಿ ನಾಯಕ, ಶರಧಿ ಆರ್. ದಿವಾನ ಮತ್ತು ಶಿಲ್ಪಾ ಎ. ಶೇಟ್ ಆಯ್ಕೆಯಾಗಿ ಸಂಸ್ಥೆಗೆ ಕೀರ್ತಿ ತಂದಿದ್ದಾರೆ.
ಇವರ ಅತ್ಯುತ್ತಮ ಸಾಧನೆಗೆ ಸಂಸ್ಥೆಯ ಆಡಳಿತ ಮಂಡಳಿಯವರು, ಪ್ರಾಂಶುಪಾಲರು, ಉಪನ್ಯಾಸಕ ವೃಂದದವರು ಮತ್ತು ಶಿಕ್ಷಕೇತರ ಸಿಬ್ಬಂದಿ ವರ್ಗದವರು ಅಭಿನಂದನೆ ಸಲ್ಲಿಸಿದ್ದಾರೆ.
