ಹಳಿಯಾಳ : ತಾಲೂಕಿನ ಎರಡು ಕಡೆಗಳಲ್ಲಿ ಬಾರ್ ಗಳಲ್ಲಿ ಕಳ್ಳರು ತಮ್ಮ ಕರಾಮತ್ತು ತೋರಿದ್ದು, ಮಧ್ಯದ ಬಾಟಲಿಗಳನ್ನು ಎಗರಿಸುವ ಮೂಲಕ ತಮ್ಮ ಕೈಚಳಕ ತೋರಿದ್ದಾರೆ. ಪಟ್ಟಣದ ವನಶ್ರೀ ವೃತ್ತ ಬಳಿ ಹಾಗೂ ಧಾರವಾಡ ರಸ್ತೆಯ ಮಾರ್ಗದಲ್ಲಿರುವ ಎರಡು ಬಾರ್‌ಗಳಲ್ಲಿ ಪ್ರತ್ಯೇಕ ವಾಗಿ ಕಳ್ಳರು ಲಕ್ಷಾಂತರ ರೂಪಾಯಿ ಹಾಗು ಬೆಲೆಬಾಳುವ ಮಧ್ಯದ ಬಾಟಲಿಗಳನ್ನು ದೋಚಿ ಪರಿಯಾಗಿರುವ ಘಟನೆ ತಡರಾತ್ರಿ ಪಟ್ಟಣದಲ್ಲಿ ನಡೆದಿದೆ.
ಪಟ್ಟಣದಲ್ಲಿ ಸೋಮವಾರ ರಾತ್ರಿಯ 2 ಘಂಟೆಯ ಸುಮಾರಿಗೆ ಪಟ್ಟಣದ ಮೌರ್ಯ ಕ್ಲಬ್ ಹಾಗೂ ಲಕ್ಷಣ್ ಪ್ಯಾಲೇಸಿನ ಮುಖ್ಯದ್ವಾರದ ಶಟರ್ ಕಬ್ಬಿಣದ ರಾಡ್ ಸಹಾಯದಿಂದ ಮುರಿದು ಅಂಗಡಿಯ ಒಳಗೆ ಪ್ರವೇಶಿಸಿ ಕೌಂಟರ ಬಳಿ ಇರುವ ಮೌರ್ಯ ಕ್ಲಬ್ 1.5 ಲಕ್ಷ ನಗದು ಹಾಗು ಬೆಲೆ ಬಾಳುವ ಮಧ್ಯದ ಬಾಟಲ್ಗಳು ,ಲಕ್ಷಣ ಪ್ಯಾಲೇಸ್ ಹೋಟೆಲಿನ 4.70 ಲಕ್ಷ ರೂಪಾಯಿ ನಗದು 5000 ಸಾವಿರ ಬೆಳೆಯ ಮೊಬೈಲ್ ಹಾಗು 15000 ಮೌಲ್ಯದ ಮಧ್ಯದ ಬಾಟಲ್ ಕಳ್ಳತನ ಮಾಡಿ ಪರಾರಿಯಾಗಿದ್ದಾರೆ.ಕಳ್ಳರ ತಂಡ ಹೋಟೆಲಿನಲ್ಲಿದ್ದ ಸಿಸಿ ಕ್ಯಾಮರಾಗಳಲ್ಲಿ ಸೆರೆಯಾಗಿದ್ದು, ಪೊಲೀಸರು ಘಟನಾ ಸ್ಥಳಕ್ಕೆ ಧಾವಿಸಿ ಕಳ್ಳರನ್ನು ಬಂಧಿಸಲು ಜಾಲ ಬೀಸಿದ್ದಾರೆ. ಘಟನಾ ಸ್ಥಳಕ್ಕೆಡಿ.ವೈ.ಎಸ್ಪಿ ಕೆ.ಎಲ್.ಗಣೇಶ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
