ಜೋಯಿಡಾ: ತಾಲೂಕಿನ ರಾಮನಗರದ ಸಮೀಪದ ವಜ್ರ ಫಾಲ್ಸ್‌ನಲ್ಲಿ ಪ್ರವಾಸಕ್ಕೆಂದು ಬಂದ 6 ಯುವಕರಲ್ಲಿ ಕೆಎಲ್‌ಇ ಶಿಕ್ಷಣ ಸಂಸ್ಥೆಯಲ್ಲಿ ದ್ವಿತೀಯ ವರ್ಷದ ವಿದ್ಯಾರ್ಥಿಯಾಗಿದ್ದ ಶ್ರೀಹರಿ ಆರ್.ಅಂಗಡಿ ಎಂಬಾತ ನೀರಿನಲ್ಲಿ ಮುಳುಗಿ ಅಸುನೀಗಿದ ಘಟನೆ ನಡೆದಿದೆ. ಆರು ಯುವಕರು ನೀರಿನಲ್ಲಿ ಈಜುವ ವೇಳೆ ಶ್ರೀಹರಿ ನೀರಿನ ಸೆಳೆತಕ್ಕೆ ಸಿಕ್ಕು
ನಾಪತ್ತೆಯಾಗಿದ್ದ ಎನ್ನಲಾಗಿದೆ. ಭಾನುವಾರ ಈ ಘಟನೆ ಸಂಭವಿಸಿದೆ.
ನೀರಿನಲ್ಲಿ ಮುಳುಗಿ ನಾಪತ್ತೆಯಾದ ಈ ಘಟನೆ ಮಧ್ಯಾಹ್ನ 3.30ರ ವೇಳೆಗೆ ಈ ಘಟನೆ ನಡೆದಿದ್ದು, ಜೊತೆಗಾರರು ಕೂಡಲೇ ರಾಮನಗರಕ್ಕೆ ಬಂದು ಪೊಲೀಸರಿಗೆ ಮಾಹಿತಿ
ನೀಡಿದರು. ಪಿಎಸ್‌ಐ ವಿನೋದ ರೆಡ್ಡಿ ಅಗತ್ಯ ಕ್ರಮ ಕೈಕೊಂಡು ಸೋಮವಾರ ಮುಳುಗು ತಜ್ಞರಿಂದ ಶ್ರೀಹರಿ ಶವ ಪತ್ತೆ ಮಾಡಿಸಿದ್ದಾರೆ ಎನ್ನಲಾಗಿದೆ. ವಿಷಯ ತಿಳಿಯುತ್ತಿದ್ದಂತೆ ಸ್ಥಳದಲ್ಲಿ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು.
