ಕಾರವಾರ : ತಾಲೂಕಿನ ಕದ್ರಾದಲ್ಲಿ ಬಸ್ ನಿಲ್ದಾಣಕ್ಕೆ ಹೋಗಿ ವಾಪಸ್ಸಾಗುವ ಸಂಧರ್ಭದಲ್ಲಿ ಕೆಪಿಸಿ ಕಾಲೊನಿ ಸಮೀಪ ಚಲಿಸುತ್ತಿರುವ ಬಸ್ ಕಿಟಕಿಯಿಂದ ಕೈ ಹೊರ ಹಾಕಿ ಪ್ರಯಾಣಿಸುತ್ತಿದ್ದ ವೃದ್ದನ ಕೈ ಲಾರಿಗೆ ತಾಗಿ ಕೈ ತುಂಡಾಗಿದಿರುವ ಘಟನೆ ನಡೆದಿದೆ. ಪ್ರತಿದಿನ ಅಂಕೋಲಾದಿoದ ಬೆಳಗಾವಿಗೆ ಸಂಚರಿಸುವ ಸಾರಿಗೆ ಸಂಸ್ಥೆಯ ಬಸ್ ಇದಾಗಿದ್ದು ಕದ್ರಾ ಈ ಘಟನೆ ಸಂಭವಿಸಿದೆ ಎಂದು ವರದಿಯಾಗಿದೆ. ಬಸ್ ಹಿಂಭಾಗದ ಸೀಟ್ ನಲ್ಲಿ ಕುಳಿತು ಪ್ರಯಾಣಿಸುತ್ತಿದ್ದ ಅಣಸಿ ಮೂಲದ ವೃದ್ದ ಲಕ್ಷ್ಮಣ ಪಾಂಗ್ಳೊ ಕಾಜುಗಾರ ಎಂಬಾತನ ಕೈ ತುಂಡಾಗಿರುವ ಬಗ್ಗೆ ವರದಿಯಾಗಿದೆ.
ಇವರು ಕೈಯನ್ನು ಕಿಟಕಿಯಿಂದ ಹೊರ ಹಾಕಿ ಪ್ರಯಾಣಿಸುತ್ತಿದ್ದರು. ಈ ವೇಳೆ ಓವರ್ ಟೇಕ್ ಮಾಡುವಾಗ, ಲಾರಿಯೊಂದು ಕಿಟಕಿಯಿಂದ ಹೊರಚಾಚಿದ್ದ ವೃದ್ಧನ ಕೈಗೆ ಬಡಿದಿದೆ. ಪ್ರಥಮ ಚಿಕಿತ್ಸೆ ನೀಡಿ ಜಿಲ್ಲಾಸ್ಪತ್ರೆಗೆ ಸಾಗಿಸಲಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಾಗಿದೆ ಎನ್ನಲಾಗಿದೆ.
