ಅಂಕೋಲಾ : ನೀರಿನಲ್ಲಿ ಸಿಗುವ ಕೊಂಡಗ ( ಚಿಪ್ಪು ಮೀನು) ತೆಗೆಯಲು ಹೋದ ಅಥವಾ ಇತರೆ ಕಾರಣದಿಂದ ತೆರಳಿದ ಸ್ಥಳೀಯ ಯುವತಿ ಮತ್ತು ಆಕೆಯ ಸಂಬಂಧೀಕರೀರ್ವರು ನೀರು ಪಾಲಾದ ಘಟನೆ ವರದಿಯಾಗಿದೆ. ತಾಲೂಕಿನ ಗ್ರಾಮೀಣ ವ್ಯಾಪ್ತಿಯ ಅಚವೆ – ಕರಿಕಲ್ಲ್ ಬಳಿ ನದಿ ತೀರದಲ್ಲಿ ಈ ಘಟನೆ ನಡೆದಿದೆ. ನೀರಿನಲ್ಲಿ ಆಕಸ್ಮಿಕವಾಗಿ ಸಿಲುಕಿಕೊಂಡ ಇವರನ್ನು ಸ್ಥಳೀಯರು ಶೋಧಕಾರ್ಯ ನಡೆಸಿ ನೀರಿನಿಂದ ಮೇಲೆತ್ತುವದಕ್ಕೂ ಮೊದಲೇ ಇವರು ಕೊನೆಯುಸಿರೆಳೆದಿದ್ದರು ಎನ್ನಲಾಗಿದೆ.
ಪೂಜಾ ಮಹೇಶ ನಾಯ್ಕ ಮತ್ತು ಆಕೆಯ ಸಂಬಂಧಿಗಳಾದ ಕುಮಟಾ ತಾಲೂಕಿನ ಅಘನಾಶಿನಿ ಮೂಲದ ನಾಗೇಂದ್ರ ಹಾಗೂ ಕೋನಳ್ಳಿಯ ದಿಲೀಪ್ ಮೃತ ದುರ್ದೈವಿಗಳು ಎನ್ನಲಾಗಿದೆ. ಈ ಕುರಿತ ಹೆಚ್ಚಿನ ಮಾಹಿತಿಗಳು ತಿಳಿದುಬರಬೇಕಿದೆ.
