ಅಂಕೋಲಾ: ಮೇ 6 ರಂದು ಬೆಳಿಗ್ಗೆ 10-15 ರ ಸುಮಾರಿಗೆ ಮೊಬೈಲ್ ಸಿಮ್ ಕಾರ್ಡ್ ಖರೀದಿಸಲು ಅಂಕೋಲಾಕ್ಕೆ ಹೋಗುವುದಾಗಿ ಹೇಳಿ ಮನೆಯಿಂದ ಹೋಗಿರುವ ವ್ಯಕ್ತಿಯೊಬ್ಬ ಮನೆಗೆ ಮರಳಿ ಬಾರದೇ ಈತ ಎಲ್ಲಿಯೋ ಕಾಣೆ ಆಗಿರುವ ಕುರಿತು ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
47 ವಯೋಮಾನದ ಸುಂಕಸಾಳ ಸಬಗುಳಿ ನಿವಾಸಿ ಸಚಿನ ಸುರೇಶ ನಾಯ್ಕ ಕಾಣೆಯಾದ ವ್ಯಕ್ತಿಯಾಗಿದ್ದು, ಈ ಕುರಿತು ಬೆಂಗಳೂರು ನಂದಿನಿ ಲೇ ಔಟ್ ನಲ್ಲಿ ವಾಸಿಸುತ್ತಿರುವ ಆತನ ಪತ್ನಿ ಶಿಲ್ಪಾ ಸಚಿವ ನಾಯ್ಕ ಎನ್ನುವವರು ದೂರು ನೀಡಿದ್ದಾರೆ ಎನ್ನಲಾಗಿದೆ. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.
