ಕುಮಟಾ : ವಿವಿಧ ವಿಷಯ ಸಂಘಗಳ ಉದ್ಘಾಟನೆ ಮತ್ತು ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಿಗೆ ಅಭಿಪ್ರೇರಣೆ ಕಾರ್ಯಕ್ರಮವು ಪಟ್ಟಣದ ಚಿತ್ರಗಿ ಮಹಾತ್ಮಾಗಾಂಧಿ ಪ್ರೌಢಶಾಲೆಯಲ್ಲಿ
ನಡೆಯಿತು ಎಂದು ತಿಳಿದುಬಂದಿದೆ. ನಿವೃತ್ತ ಮುಖ್ಯಾಧ್ಯಾಪಕ ಎಂ. ರಮೇಶ್ ಉಪಾಧ್ಯಾಯ ಈ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಸ್ವಾಮಿ ವಿವೇಕಾನಂದ ಸಮಾಜ ವಿಜ್ಞಾನ ಸಂಘ, ಬಿ.ಎ.ಸನದಿ ಸಾಹಿತ್ಯ ಸಂಘ, ಕಾನೂನು ಮತ್ತು ಸಾಕ್ಷರತಾ ಸಂಘ, ಕಸ್ತೂರಬಾ ಇಕೋ ಕ್ಲಬ್, ಜಾನ್ ಕಿಟ್ಸ್ ಇಂಗ್ಲೀಷ್ ಕ್ಲಬ್, ಆರ್ಯಭಟ ಗಣಿತ ಸಂಘ, ರಾಮನ್ ವಿಜ್ಞಾನ ಸಂಘ, ಮೈತಿಲಿ ಶರಣ ಗುಪ್ತ ಹಿಂದಿ ಭಾಷಾ ಸಂಘ,ಕ್ರೀಡಾ ಸಂಘ, ಅಷ್ಟು ಒಂಬತ್ತು ಸಂಘಗಳ ಸಂಕ್ಷಿಪ್ತ ಪರಿಚಯ ಹಾಗೂ
ಈ ಸಾಲಿನ ಕಾರ್ಯ ಚಟುವಟಿಕೆಗಳನ್ನು ಶಿಕ್ಷಕ ಕಿರಣ ಪ್ರಭು ಸಾದರಪಡಿಸಿದರು ಎನ್ನಲಾಗಿದೆ. ಶಾಲೆಯ ಮುಖ್ಯಾಧ್ಯಾಪಕ ಪಾಂಡುರಂಗ ವಾಗ್ರೇಕರ್ ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ಶಾಲಾ ವಿದ್ಯಾರ್ಥಿನಿಯರು ಪ್ರಾರ್ಥಿನೆ ಮಾಡಿದರು. ಪ್ರಾಧ್ಯಾಪಕ ವಿ.ಎನ್.ಭಟ್ ನಿರೂಪಿಸಿದರು. ಶಿಕ್ಷಕ ಅನಿಲ್ ರೋಡಗಿಸ್ ಸ್ವಾಗತ ಕೋರಿದರು. ಕನ್ನಡ ಶಿಕ್ಷಕ ಸುರೇಶ್ ಪೈ ವಂದಿನಾರ್ಪನೆ ಮಾಡಿದರು. ಶಾಲೆಯ ಶಿಕ್ಷಕರು, ಸಿಬ್ಬಂದಿ ಸಹಕರಿಸಿದ್ದರು ಎಂದು ವರದಿಯಾಗಿದೆ.
