ಶಿರಸಿ: ಜನರ ಜೊತೆಗೆ ಉತ್ತಮ ಸ್ಪಂದನೆ ಹಾಗೂ ರೋಗಿಗಳನ್ನು ಪ್ರೀತಿಯಿಂದ ಕಂಡು ಅವರಿಗೆ ಹಾರೈಕೆ ಮಾಡುತ್ತಿದ್ದ, ಜನಪ್ರಿಯ ವೈದ್ಯರಾಗಿದ್ದ ಡಾ. ಶಿವಸ್ವಾಮಿ ನಮ್ಮನ್ನು ಅಗಲಿದ್ದಾರೆ. ಸರಳ-ಸಜ್ಜನ ವ್ಯಕ್ತಿತ್ವದವರಾಗಿದ್ದ ಅವರು ಚರ್ಮರೋಗ ತಜ್ಞರಾಗಿ ತಮ್ಮ ಸೇವಾ ಮನೋಭಾವನೆಯಿಂದ ಹೆಸರನ್ನು ಪಡೆದಿದ್ದರು.
ಮೃತರ ಆತ್ಮಕ್ಕೆ ಭಗವಂತನು ಚಿರಶಾಂತಿಯನ್ನು ದಯಪಾಲಿಸಲಿ ಎಂದು ಅವರಿಂದ ಗುಣಮುಖರಾಗಿ ಅವರನ್ನು ಸ್ಮರಿಸುವ ಅನೇಕರು ಪ್ರಾರ್ಥಿಸಿದ್ದಾರೆ. ಅದಲ್ಲದೆ ಸಭಾಪತಿ ವಿಶ್ವೇಶ್ವರ ಹೆಗಡೆ ಕಾಗೇರಿ, ಹಾಗೂ ಇನ್ನೂ ಅನೇಕ ರಾಜಕೀಯ ಮುಖಂಡರು ಸಹ ಇವರ ಆತ್ಮಕ್ಕೆ ಚಿರಶಾಂತಿ ಕೋರಿ, ಇವರ ಅಗುಲುವಿಕೆಯ ನೋವನ್ನು ಭರಿಸುವ ಶಕ್ತಿಯನ್ನು ಭಗವಂತ ಅವರ ಕುಟುಂಬಕ್ಕೆ ಕರುಣಿಸಲೆಂದು ಪ್ರಾರ್ಥಿಸಿದ್ದಾರೆ.
