ಭಟ್ಕಳ : ಕಳೆದ ವರ್ಷ ತಾಲೂಕಿನ ವೆಂಕಟಾಪುರ ಹೆಗ್ಗಲುವಿನಲ್ಲಿ ಕಾಣಿಸಿಕೊಂಡಿದ್ದ ಮೊಸಳೆ ಇದೀಗ ಕಳೆದ 3 ವಾರಗಳಿಂದ ಮತ್ತೆ ಅದೇ ಜಾಗದಲ್ಲಿ ಪ್ರತ್ಯಕ್ಷವಾಗಿದ್ದು, ಸ್ಥಳೀಯರಲ್ಲಿ ಆತಂಕ ಸೃಷ್ಟಿಸಿದೆ. ಹಿಂದಿನ ಬಾರಿ ಮೊಸಳೆ ಕಾಣಿಸಿಕೊಂಡು ಮೊಸಳೆಯಿಂದಾಗಿ ಸುತ್ತ ಮುತ್ತಲ ಜನರು ಆತಂಕ ಪಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು.
ಸರಿಸುಮಾರು 5-6 ಅಡಿ ಉದ್ದ ಇರುವ ಈ ಮೊಸಳೆ ಕಳೆದ ಬಾರಿಯಂತೆ ನೀರು ಇಳಿತದ ಸಂದರ್ಭದಲ್ಲಿ ಮರಳಿನ ಜಾಗವನ್ನೇರಿ ಬಿಸಿಲಿಗೆ ಮೈಯೊಡ್ಡಿ ನಂತರ ನೀರಿಗೆ ಇಳಿದು ಮಾಯವಾಗುತ್ತಿದೆ. ಇದರಿಂದಾಗಿ ಜನರು ಓಡಾಟದ ಸಂದರ್ಭದಲ್ಲಿ ಹಾಗೂ ಸುತ್ತಮುತ್ತಲ ಪ್ರದೇಶದಲ್ಲಿ ಆತಂಕ ಸೃಷ್ಟಿಯಾಗಿದೆ.
ಅರಣ್ಯ ಇಲಾಖೆಯ ಸಿಬ್ಬಂದಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.ಮೊಸಳೆ ಕಳೆದ ಒಂದು ವರ್ಷದಿಂದ ಹೆಗ್ಗಲು ಭಾಗದಲ್ಲಿ ಓಡಾಡಿಕೊಂಡಿರುವುದು ವಿಭಿನ್ನ ಚರ್ಚೆಗೆ ಎಡೆಮಾಡಿಕೊಟ್ಟಿದೆ. ಅಧಿಕಾರಿಗಳು ಅಗತ್ಯ ಕ್ರಮ ಕೈಗೊಳ್ಳಬೇಕೆನ್ನುವುದು ಸಾರ್ವಜನಿಕರ ಅಹವಾಲಾಗಿದೆ.
