ಹೊನ್ನಾವರ : ತಾಲೂಕಿನ ಚಿಕ್ಕನಕೋಡ ಸೊಸೈಟಿಯ ಕಳ್ಳತನ ಯತ್ನ ನಡೆದಿರುವುದಾಗಿ ವರದಿಯಾಗಿದೆ. ಶಟರ್ಸ್ ಒಡೆದು ಕಳ್ಳತನಕ್ಕೆ ಕದೀಮರು ಯತ್ನ ನಡೆಸಿದ್ದಾರೆ. ಅದರೆ ಆ ಸಂದರ್ಭದಲ್ಲಿ ಶಟರ್ಸ ತೆರೆಯುವಾಗ ಉಂಟಾದ ಶಬ್ದದಿಂದಾಗಿ ಪಕ್ಕದ ಜನರು ಎಚ್ಚರಗೊಂಡಿದ್ದಾರೆ. ಶುಕ್ರವಾರ ಮಧ್ಯರಾತ್ರಿ ಈ ಘಟನೆ ನಡೆದಿದ್ದು ಎರಡು ಜನ ಈ ಕಳ್ಳತನದಲ್ಲಿ ಭಾಗಿಯಾಗಿದ್ದರು ಎಂದು ತಿಳಿದು ಬಂದಿದೆ
ಈರ್ವರು ಸೇರಿ ಕಳ್ಳತನಕ್ಕೆ ಯತ್ನಿಸುತ್ತಿದ್ದಾಗ ಜನರನ್ನ ಕಂಡು ಕದೀಮರು ಪರಾರಿಯಾಗಲು ಯತ್ನಿಸಿದರು. ಓರ್ವನನ್ನು ಸ್ಥಳೀಯರು ಸೆರೆ ಹಿಡಿದಿದ್ದಾರೆ. ಇನ್ನೋರ್ವ ತಪ್ಪಿಸಿಕೊಂಡಿದ್ದು 20 ಫ್ರೂಟ್ ಎತ್ತರದಿಂದ ಜಿಗಿದು ಪರಾರಿಯಾಗಿದ್ದಾನೆ ಎನ್ನಲಾಗಿದೆ.
ಕಳ್ಳತನದಲ್ಲಿ ಭಾಗವಹಿಸಿದ್ದವನನ್ನು ಓರ್ವನನ್ನು ಅಂಕೋಲಾ ವ್ಯಕ್ತಿ ಎಂದು ಗುರುತಿಸಲಾಗಿದೆ. ಇನ್ನೋರ್ವನನ್ನು ಯಲ್ಲಾಪುರದವನೆಂದು ಗುರುತಿಸಲಾಗಿದ್ದು ಪೊಲೀಸರು ಇನ್ನೋರ್ವನನ್ನು ಹಿಡಿಯುವುದಕ್ಕಾಗಿ ಬಲೆ ಬೀಸಿದ್ದಾರೆ. ಬಂದಿತನನ್ನು ಅಂಕೋಲಾದ ಪ್ರಶಾಂತ್ ಎಂದು ಗುರುತಿಸಲಾಗಿದೆ.
