ಕುಮಟಾ: ರೈಲ್ವೆ ಹಳಿಯ ಹತ್ತಿರ ನಡೆದುಕೊಂಡು ಹೋಗುವ ವೇಳೆ ರೈಲ್ವೆ ಬಡಿದು ಮಹಿಳೆಯ ಸಾವನ್ನಪ್ಪಿರುವ ಘಟನೆ ತಾಲೂಕಿನ ಹಿರೇಗುತ್ತಿ ಸಮೀಪ ನಡೆದಿದೆ. ಹಿರೇಗುತ್ತಿ ಉಪ್ಪಾರಗದ್ದೆ ರೇಲ್ವೆ ಹಳಿಯ ಹತ್ತಿರ ಮಹಿಳೆ ಒಬ್ಬಳು ನಡೆದು ಹೋಗುವಾಗ ಈ ದುರ್ಘಟನೆ ಸಂಭವಿಸಿದ್ದು ಸ್ಥಳಕ್ಕೆ ಪೊಲೀಸರು ಹಾಗೂ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ರೈಲ್ವೆ ಬಡಿದು ಮಹಿಳೆ ಸಾವನ್ನಪ್ಪಿದ ಈ ಘಟನೆ ರವಿವಾರ ಮದ್ಯಾಹ್ನ ನಡೆದಿದೆ. ಬರ್ಗಿಯ ಶಾಂತಿ ಬೇಡು ಪಟಗಾರ (75) ಮೃತ ಮಹಿಳೆ. ಎನ್ನಲಾಗಿದೆ ವಿಷಯ ತಿಳಿಯುತ್ತಿದ್ದಂತೆ ಕುಟುಂಬದವರಲ್ಲಿ ದುಃಖ ಮಡುಗಟ್ಟಿದೆ. ಪೊಲೀಸರು ಹಾಗೂ ಅಧಿಕಾರಿಗಳು ಮುಂದಿನ ಪ್ರಕ್ರಿಯೆ ಕೈಗೊಳ್ಳುತ್ತಿದ್ದು ಸ್ಥಳದಲ್ಲಿ ಕೆಲಕಾಲ ಗೊಂದಲದ ವಾತಾವರಣ ನಿರ್ಮಾಣವಾಗಿತ್ತು. ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಶವ ಪರೀಕ್ಷೆ ನಡೆಯುತ್ತಿದೆ.
