ಹೊನ್ನಾವರ : ತಾಲೂಕಿನ ಹವ್ಯಕಸಭಾಭವನದಲ್ಲಿ ಫೇ ೧೯ ಭಾನುವಾರದಂದು ಮಧ್ಯಾಹ್ನ 3 ಗಂಟೆಗೆ ಅಖಿಲ ಹವ್ಯಕ ಮಹಾಸಭಾ ಬೆಂಗಳೂರು(ರಿ) ಇದರ ಆಶ್ರಯದಲ್ಲಿ ಉಪನ್ಯಾಸ ಹಾಗೂ ಈ ಸಾಲಿನ ವಿದ್ಯಾ ಪ್ರೋತ್ಸಾಹ ಧನ ವಿತರಣಾ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಹವ್ಯಕ ಸಂಸ್ಕೃತಿ ಸಂಪ್ರದಾಯವನ್ನು ಉಳಿಸುವ ಜೊತೆಗೆ ಅಗತ್ಯ ಇರುವ ವಿದ್ಯಾರ್ಥಿಗಳಿಗೆ ಧನಸಹಾಯ ಮಾಡುತ್ತಾ ಸಂಸ್ಥೆಯು ಪ್ರತಿವರ್ಷ ವಿನೂತನವಾಗಿ ಕಾರ್ಯಕ್ರಮವನ್ನು ನೆರವೇರಿಸುತ್ತಾ ಬಂದಿದೆ.
ಈ ದಿನದ ಸಭಾ ಕಾರ್ಯಕ್ರಮವನ್ನು ಶ್ರೀ ಕರಿಕಾನ ಪರಮೇಶ್ವರಿ ದೇವಸ್ಥಾನದ ಪ್ರಧಾನ ಅರ್ಚಕರಾದ ವೇದಮೂರ್ತಿ ಸುಬ್ರಹ್ಮಣ್ಯ ಭಟ್ಟ ನೆರವೇರಿಸಲಿದ್ದಾರೆ. ಶಿವಮೊಗ್ಗದ ಹಂದಲಸುವಿನ ವಿದ್ವಾನ್ ಎಲ್ ವಾಸುದೇವ ಭಟ್ ಗಾಯತ್ರಿ ಉಪಾಸನೆ ಕುರಿತು ವಿಶೇಷ ಉಪನ್ಯಾಸ ನೀಡಲಿದ್ದಾರೆ. ಶ್ರೀ ಅಖಿಲ ಹವ್ಯಕ ಮಹಾಸಭಾದ ಉಪಾಧ್ಯಕ್ಷರಾದ ಶ್ರೀಧರ್ ಜೆ ಭಟ್ ಕೆಕ್ಕಾರು ಅಧ್ಯಕ್ಷತೆ ವಹಿಸಲಿದ್ದಾರೆ. ಈ ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಸಮಾಜ ಬಾಂಧವರು ಹಾಜರಿದ್ದು ಕಾರ್ಯಕ್ರಮವನ್ನು ಚಂದಗಾಳಿಸುವಂತೆ ವಿದ್ಯಾ ಪ್ರೋತ್ಸಾಹ ಧನದ ಸಂಚಾಲಕರಾದ ಜಿ.ಎಸ್ ಹೆಗಡೆ ಮರೂರು, ಅಖಿಲ ಹವ್ಯಕ ಮಹಾಸಭಾದ ನಿರ್ದೇಶಕರುಗಳಾದ ಆರ್‌. ಜಿ ಹೆಗಡೆ ಮುಡಾರೆ, ಅರುಣ್ ಹೆಗಡೆ ಕುಮಟಾ, ಮೋಹನ ಹೆಗಡೆ ಹೆರವಟ್ಟಾ ವಿ.ಎಂ ಹೆಗಡೆ ಕಾರವಾರ, ಕೃಷ್ಣಮೂರ್ತಿ ಭಟ್ಟ ಹೊನ್ನಾವರ ಇವರು ಜಂಟಿ ಪ್ರಕಟಣೆ ಮೂಲಕ ತಿಳಿಸಿದ್ದಾರೆ.
