ಕುಮಟಾ : ತಾಲೂಕಿನ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಉಂಚಗಿಯಲ್ಲಿ ವನಮಹೋತ್ಸವ ಕಾರ್ಯಕ್ರಮ ಮತ್ತು ಶ್ರೀ ಮಹಾವಿಷ್ಣು ಕ್ರೀಡಾ ಮತ್ತು ಸಾಂಸ್ಕೃತಿಕ ಬಳಗ (ರಿ ) ಉಂಚಗಿ ಇವರಿಂದ ಶಾಲೆ ಬಳಕೆಗೆ ಅವಶ್ಯವಿರುವ ಪಂಪ್ಸೆಟ್ ವಿತರಣೆ ಕಾರ್ಯಕ್ರಮ ನಡೆಯಿತು.
ಶಾಲೆಗೆ ನೀರಿನ ವ್ಯವಸ್ಥೆಯ ಅನುಕೂಲತೆ ಒದಗಿಸುವ ದೃಷ್ಟಿಯಿಂದ ಶ್ರೀ ಮಹಾವಿಷ್ಣು ಕ್ರೀಡಾ ಮತ್ತು ಸಾಂಸ್ಕೃತಿಕ ಬಳಗ (ರಿ ) ಉಂಚಗಿಯವರು ಕೊಡುಗೆಯಾಗಿ ನೀಡಿದ ಪಂಪ್ಸೆಟ್ ಅನ್ನು ಶಾಲೆಯ ಮುಖ್ಯಶಿಕ್ಷಕರಿಗೆ ಹಾಗೂ ಎಸ್.ಡಿ.ಎಂ.ಸಿ ಗೆ ಹಸ್ತಾಂತರ ಮಾಡಿದರು.
ಪಂಚಾಯತ ಸದಸ್ಯರಾದ ಶ್ರೀಕಾಂತ ಶಾಸ್ತ್ರೀ, ಎಸ್. ಡಿ. ಎಂ. ಸಿ ಅಧ್ಯಕ್ಷ ಶಿವಾನಂದ ಗೌಡ , ಮಹಾವಿಷ್ಣು ಕ್ರೀಡಾ ಮತ್ತು ಸಾಂಸ್ಕೃತಿಕ ಬಳಗದ ಅಧ್ಯಕ್ಷ ಗಣಪು ಗೌಡ, ಶಾಲಾ ಮುಖ್ಯಧ್ಯಾಪಕರಾದ ವೀಣಾ ನಾಯ್ಕ, ಶಶಾಂಕ ಶಾಸ್ತ್ರೀ, ರಾಜು ಗೌಡ, ವಿಷ್ಣು ಗೌಡ ಸೇರಿದಂತೆ ಊರಿನ ಪ್ರಮುಖರು ಹಾಜರಿದ್ದರು .
