ಬಾಡದ ಶ್ರೀ ಕಾಂಚಿಕಾಂಬಾ ದೇವಾಲಯಕ್ಕೆ ಆರ್.ವಿ ದೇಶಪಾಂಡೆ ಭೇಟಿ.

ಕುಮಟಾ : ತಾಲೂಕಿನ ಶಕ್ತಿದೇವತೆ ಹಾಗೂ ಜಾಗೃತ ಸ್ಥಳವೆಂದೇ ಪ್ತಸಿದ್ಧವಾಗಿರುವ ಬಾಡದ ಕಾಂಚಿಕಾ ಪರಮೇಶ್ವರಿ ದೇವಾಲಯಕ್ಕೆ ಮುತ್ಸದ್ದಿ ರಾಜಕಾರಣಿ ಹಳಿಯಾಳ ಶಾಸಕ ಆರ್.ವಿ. ದೇಶಪಾಂಡೆ ಭೇಟಿ ನೀಡಿ ದರ್ಶನ ಪಡೆದು ಸರ್ವಾಲಂಕಾರ ಪೂಜೆ ಮಾಡಿಸಿ, ತಾಯಿಯ ಅಶೀರ್ವಾದ ಹಾಗೂ ಪ್ರಸಾದ ಪಡೆದುಕೊಂಡರು. 

ಸಮಿತಿ ಅಧ್ಯಕ್ಷ ಡಾ. ಎಸ್. ಎಸ್. ಹೆಗಡೆ, ಹಾಗೂ ಸದಸ್ಯರುಗಳಾದ ಲಲಿತಾ ಪಟಗಾರ, ರಾಜ ನಾಯಕ, ಎ.ಎಸ್. ವಿಟ್ಟಲ್, ಮಾಜಿ ಸಚಿವರನ್ನು ಬರಮಾಡಿಕೊಂಡು ಪೂಜೆ ನೆರವೇರಲು ಸಹಕರಿಸಿದರು. 

ಈ ಸಂದರ್ಬದಲ್ಲಿ ನೂತನ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷ ಎಸ್.ಎಸ್ ಹೆಗಡೆ ದೇವಾಲಯದ ಅಭಿವೃದ್ಧಿ ದೃಷ್ಟಿಯಿಂದ ಆಗಬೇಕಾದ ಕೆಲಸಗಳ ಕುರಿತಾಗಿ ದೇಶಪಾಂಡೆಯವರ ಗಮನಕ್ಕೆ ತಂದರು. ಪ್ರಸ್ತುತ ಆಗಬೇಕಾದ ಅಭಿವೃದ್ಧಿಯ ಕಾರ್ಯಗಳ ಕುರಿತಾಗಿ ಸಮಗ್ರ ರೂಪುರೇಷೆ ಸಿದ್ದಪಡಿಸಿ ನನ್ನನ್ನು ಭೇಟಿ ಮಾಡಿದರೆ, ಅನುದಾನಕ್ಕೆ ಅಗತ್ಯ ಪ್ರಯತ್ನ ಮಾಡುವುದಾಗಿ ದೇಶಪಾಂಡೆಯವರು ಭರವಸೆ ನೀಡಿದರು ಎನ್ನಲಾಗಿದೆ.

ಈ ಸಂದರ್ಭದಲ್ಲಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸಾಯಿ ಗಾಂವ್ಕರ್, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯ ರತ್ನಾಕರ ನಾಯ್ಕ, ಕುಮಟಾ ಅರ್ಭನ ಬ್ಯಾಂಕ್ ಅಧ್ಯಕ್ಷ ಧೀರು ಶಾನಭಾಗ, ವ್ಯವಸ್ಥಾಪಕ ಪರಮೇಶ್ವರ ಭಂಡಾರಿ ಮುಂತಾದವರು ಉಪಸ್ಥಿತರಿದ್ದರು. ದೇವಸ್ಥಾನದ ವತಿಯಿಂದ ಅಧ್ಯಕ್ಷರು ಶಾಲು ಹೊದೆಸಿ ಶ್ರೀ ದೇವಿಯ ಭಾವಚಿತ್ರ ನೀಡಿ ಗಣ್ಯರನ್ನು ಸನ್ಮಾನಿಸಿದರು.