ಶಿರಸಿ : ಅಡಕೆ ಕೊನೆ ತಲೆ ಮೇಲೆ ಬಿದ್ದು ಗಾಯಗೊಂಡಿದ್ದ ವ್ಯಕ್ತಿಯೊಬ್ಬ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟ ಘಟನೆ ನಡೆದಿದೆ. ತಾಲೂಕಿನ ಬೆಳಗಲಮನೆ ಸೀತಾರಾಮ ನಾಗು ಗೌಡ ೬೫) ಮೃತ ವ್ಯಕ್ತಿ. ಈತ ವಿಶ್ವೇಶ್ವರ ನಾಗು ಗೌಡ ಜೊತೆ ಕೊಡ್ಲ ಗ್ರಾಮದಲ್ಲಿ ತೋಟದಲ್ಲಿ ಅಡಕೆ ಕೊಯ್ಯುವಾಗ ಈ ಘಟನೆ ಸಂಭವಿಸಿತ್ತು. ಸೀತಾರಾಮ ಗೌಡ ಅಡಕೆಯನ್ನು ಬುಟ್ಟಿಯಲ್ಲಿ ಹೊತ್ತುಕೊಂಡು ಹೋಗುವಾಗ ಆಕಸ್ಮಾತಾಗಿ ಅಡಕೆ ಕೊನೆ ಮೇಲಿನಿಂದ ಬುಟ್ಟಿಯಲ್ಲಿ ಬಿದ್ದು ತಲೆಗೆ ಮತ್ತು ಕುತ್ತಿಗೆಗೆ ಪೆಟ್ಟಾಗಿತ್ತು.
