ಯಾಣ: ಕತಗಾಲ ವಲಯ ಅರಣ್ಯಾಧಿಕಾರಿಗಳು ಹಾಗೂ ಶ್ರೀ ಮಹಾಗಣಪತಿ ಗ್ರಾಮ ಅರಣ್ಯ ಸಮಿತಿಯ ಸದಸ್ಯರ ಮೂಲಕ ಶ್ರೀ ಕ್ಷೇತ್ರ ಯಾಣದ ಸ್ವಚ್ಛತಾ ಅಭಿಯಾನವನ್ನು ನೆರವೇರಿಸಲಾಯಿತು.
ಸ್ವಚ್ಚತೆ ಹಾಗೂ ನಾಡಿನ ಹಿತದ ದೃಷ್ಟಿಯಿಂದ ಈ ಕಾರ್ಯ ಮಾಡಲಾಗುವುದೆಂದು ಸಮಿತಿ ಸದಸ್ಯರು ಹೇಳಿದರು.
ಈ ವೇಳೆ, ಕುಮಟಾ ಉಪವಿಭಾಗ ಫೆಸಿಲಿಟೇಟರ್ ದುರ್ಗು ಬಿ. ಹರಿಕಂತ್ರ ಮಾತನಾಡಿ, ಅಭಿಯಾನದ ಕುರಿತು ಮಾಹಿತಿ ನೀಡಿ ಪ್ರತಿವರ್ಷ ಶ್ರೀ ಕ್ಷೇತ್ರದ ಸ್ವಚ್ಛತಾ ಕಾರ್ಯಕ್ರಮವನ್ನು ನಡೆಸಿಕೊಂಡು ಬಂದಿದ್ದು ಇದು ನಿರಂತರವಾಗಿ ಇನ್ನೂ ಹೆಚ್ಚಿನ ಸದಸ್ಯರ ಸಹಕಾರದೊಂದಿಗೆ ನಡೆಸಿಕೊಂಡು ಹೋಗಬೇಕೆಂದು ಹೇಳಿದರು.
