ಕುಮಟಾ: ಬಹುಜನರ ಬೇಡಿಕೆಯಾಗಿದ್ದ ಅಘನಾಶಿನಿ ಯಿಂದ ತದಡಿಗೆ ತೆರಳುವ ಮಿನಿ ಬಾರ್ಜ್ ಸೇವೆ ಇಂದು ಪ್ರಾರಂಭವಾಗಿದೆ . ಅಘನಾಶಿನಿ ಯಿಂದ ತದಡಿಗೆ ಕೇವಲ ಒಂದು ಕಿಲೋಮೀಟರ್ ಅಂತರವಿದ್ದು ಇಲ್ಲಿ ಜಲ ಮಾರ್ಗವೇ ಮೂಲಾಧಾರವಾಗಿತ್ತು.
ಈಗ ಮಿನಿ ಬಾರ್ಜ್ ಸೇವೆಯಿಂದಾಗಿ ಸಾರ್ವಜನಿಕರಿಗೆ ಅನುಕೂಲವಾಗಿದೆ . 2016-17 ನೇ ಸಾಲಿನಲ್ಲಿ ಎರಡೂವರೆ ಕೋಟಿ ರೂಪಾಯಿ ಮಿನಿ ಬಾರ್ಜ್ ಗಾಗಿ ಹಣ ಮಂಜೂರಾಗಿತ್ತು . ಇದರ ಸದುಪಯೋಗವನ್ನು ಪಡೆದುಕೊಳ್ಳುವಂತೆ ಶಾಸಕರಾದ ಶ್ರೀಮತಿ ಶಾರದಾ ಶೆಟ್ಟಿ ಜನತೆಯಲ್ಲಿ ವಿನಂತಿ ಮಾಡಿಕೊಂಡಿದ್ದಾರೆ .
RELATED ARTICLES ಕುಮಟಾ ಉದಯ ಬಜಾರ್ ನಲ್ಲಿ ಲಕ್ಕಿ ಡ್ರಾ ವಿಜೇತರಿಗೆ ಸಿಕ್ಕಿತು ಸ್ಕೂಟಿ.! ನಾಳೆಯವರೆಗೆ "ಉದಯ ಉತ್ಸವ"
ಹಂಗಾರಕಟ್ಟೆಯಲ್ಲಿ ಐದು ಕೋಟಿ ರೂಪಾಯಿ ವೆಚ್ಚದಲ್ಲಿ ಹೊಸ ಬಾರ್ಜ್ ನಿರ್ಮಾಣವಾಗಲಿದ್ದು ರ್ಯಾಂಪ್, ತಂಗುದಾಣ ಮೂಲ ಸೌಕರ್ಯಗಳು ಇದರಲ್ಲಿ ಸೇರಿಕೊಳ್ಳುತ್ತದೆ ಎಂಬುದಾಗಿ ಶಾಸಕರು ಮಾಹಿತಿ ನೀಡಿದ್ದಾರೆ .
ಇವಿಷ್ಟೇ ಅಲ್ಲದೇ ಹೊಸ ಬಾರ್ಜ್ ನಂತರದಲ್ಲಿ ಯಾವುದಾದರೂ ಬಾರ್ಜ್ ಕೆಟ್ಟು ನಿಂತಲ್ಲಿ ಈ ಚಿಕ್ಕ ಬಾರ್ಜ್ ಸಹಾಯ ಮಾಡಲಿದೆ ಎಂದು ಇದೇ ಸಂದರ್ಭದಲ್ಲಿ ಅವರು ತಿಳಿಸಿದರು .
