ನವದೆಹಲಿ: ಮುಂಬರುವ ಚಳಿಗಾಲದ ಅಧಿವೇಶನದಲ್ಲಿ ಬಹುನಿರೀಕ್ಷಿತ ತ್ರಿವಳಿ ತಲಾಖ್ ಮಸೂದೆ ಮಂಡಿಡಸಲು ಸಿದ್ದತೆ ನಡೆಸಲಾಗಿದೆ ಎಂದು ವರದಿಯಾಗಿದೆ.
ಈ ಕುರಿತಂತೆ ನೂತನ ಕಾನೂನು ರೂಪಿಸಲು ಮಂತ್ರಿಪರಿಷತ್‌ವೊಂದನ್ನು ರಚಿಸಲಾಗಿದೆ.
ತ್ರಿವಳಿ ತಲಾಖ್‌ಗೆ ಸಂಬಂಧಿಸಿದಂತೆ ಮೂರು ಬಾರಿ ತಲಾಕ್ ಪದವನ್ನು ಒಂದೇ ಉಸಿರಿನಲ್ಲಿ ಉಚ್ಚರಿಸಿ ಪತ್ನಿಗೆ ವಿಚ್ಛೇದನೆ ನೀಡುವ ಕ್ರಮವು ಸ್ವೇಚ್ಚಾಚಾರದ್ದೂ ಅಸಾಂವಿಧಾನಿಕವಾದುದೂ ಆಗಿದೆ ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟವಾಗಿ ಈ ಹಿಂದೆ ಹೇಳಿತ್ತು.
ಇನ್ನು, ನ್ಯಾ.ಜೆ.ಎಸ್. ಖೇಹರ್, ನ್ಯಾ. ಕುರಿಯನ್ ಜೋಸೆಫ್, ರೊಹಿನ್‌ಟನ್ ಎಫ್. ನಾರಿಮನ್, ನ್ಯಾ.ಯು ಯು ಲಲಿತ್ ಮತ್ತು ಅಬ್ದುಲ್ ನಝೀರ್ ಅವರನ್ನು ಒಳಗೊಂಡ ಪೀಠ, ತ್ರಿವಳಿ ತಲಾಕ್ ಕುರಿತ ವಿಭಿನ್ನ ಅಭಿಪ್ರಾಯಗಳನ್ನು ಗಮನದಲ್ಲಿಟ್ಟುಕೊಂಡು ೩:೨ ಬಹುಮತದಲ್ಲಿ ತಲಾಕ್ ಎ ಬಿದ್ದತ್ ಎಂಬ ತ್ರಿವಳಿ ತಲಾಕ್ ಪದ್ಧತಿಯನ್ನು ನಾವು ಕಾನೂನು ಬಾಹಿರವೆಂದು ಅನೂರ್ಜಿತಗೊಳಿಸುತ್ತಿದ್ದೇವೆ ಎಂದು ಹೇಳಿತ್ತು.
