ಸಂಕಲ್ಪ ಪೂರ್ಣಗೊಳಿಸಿದ ಸಂತಸದಲ್ಲಿ ಕಾರ್ಯಕರ್ತರು.
ಸಿದ್ದಗಂಗಾ ಶ್ರೀಗಳ ಹುಟ್ಟುಹಬ್ಬದ ದಿನದಂದು ಶ್ರೀಗಳ ಹೆಸರಿನಲ್ಲಿ ಮಲೆ ಮಹದೇಶ್ವರ ಬೆಟ್ಟದ ಗೋವುಗಳಿಗೆ ಸಮರ್ಪಿಸಲು ನಿರ್ಧರಿಸಲಾಗಿದ್ದ 110 ಟನ್ ಮೇವು ಪೂರೈಸಲಾಗಿದ್ದು ಈ ಕುರಿತಾಗಿ ರಾಮಚಂದ್ರಾಪುರ ಮಠದ ರಾಘವೇಶ್ವರ ಶ್ರೀಗಳು ಹರ್ಷ ವ್ಯಕ್ತಪಡಿಸಿದ್ದು ಟ್ವೀಟ್ ಮೂಲಕ ಶಿಷ್ಯ ಜನತೆಗೆ ಈ ಬಗ್ಗೆ ಸಂತಸ ಹಂಚಿಕೊಂಡಿದ್ದಾರೆ.
ಸಿದ್ದಗಂಗಾ ಶ್ರೀಗಳ 110ನೇ ಜನ್ಮದಿನದ ಸಂದರ್ಭದಲ್ಲಿ ಸಾವಿನಂಚಿನಲ್ಲಿದ್ದ ಗೋವುಗಳಿಗೆ ಆಹಾರ ಒದಗಿಸುವ ಮಹಾ ಸಂಕಲ್ಪವನ್ನು ರಾಘವೇಶ್ವರ ಶ್ರೀ ಕೈಗೊಂಡಿದ್ದರು. ಅದು ಇಂದು ಸಂಪೂರ್ಣವಾಗಿದ್ದು ಶಿಷ್ಯರು ಹಾಗೂ ಕಾರ್ಯಕರ್ತರಲ್ಲಿ ಸಂತಸ ಮನೆ ಮಾಡಿದೆ.
