ಕನ್ನಡ ಎನೆ ಕುಣಿದಾಡುವುದೆನ್ನೆದೆ, ಕನ್ನಡ ಎನೆ ಕಿವಿ ನಿಮಿರುವುದು, ಕಾಮನ ಬಿಲ್ಲನು ಕಾಣುವ ಕವಿಯೊಳು ತೆಕ್ಕನೆ ಮನ ಮೈ ಮರೆಯುವುದು ಎಂಬ ಕವಿವಾಣಿಯೇ ಇದೆ. ಇಷ್ಟಲ್ಲಾ ಇದ್ದೂ ಕರ್ನಾಟಕದಲ್ಲಿಯೇ ಕನ್ನಡಕ್ಕೆ ಸರಿಯಾದ ಅಸ್ತಿತ್ವ ಇಲ್ಲದೇ ಇರುವುದು ಖೇದನೀಯ!
ಆದರೆ ಇದೀಗ ಕೇವಲ ಇಂಗ್ಲಿಷ್ ನಲ್ಲಿ ಮಾತ್ರ ದೊರೆಯುತ್ತಿದ್ದ ಎಟಿಎಂ ಚೀಟಿಗಳಲ್ಲಿ ಮುದ್ದಾದ ಕನ್ನಡದ ಅಕ್ಷರಗಳು ಕುಣಿದಾಡುತ್ತಿವೆ. ಸದ್ಯಕ್ಕೆ ಕೆನರಾ ಬ್ಯಾಂಕ್ ನ ಎಟಿಎಂ ನಲ್ಲಿ ಮಾತ್ರ ಅನುಷ್ಠಾನಗೊಂಡಿರುವ ಕನ್ನಡ ಕರ್ನಾಟಕದ ಇತರ ಬ್ಯಾಂಕ್ ಗಳ ಎಟಿಎಂ ಚೀಟಿಗಳಲ್ಲಿ ಶೀಘ್ರದಲ್ಲಿ ಬರಲಿವೆ. ಈ ಎಲ್ಲಾ ಬೆಳವಣಿಗಗಳಿಗೆ ಕಾರಣ ಕರ್ನಾಟಕ ಗ್ರಾಹಕರ ಕೂಟದ ಹೋರಾಟ.
ಎಟಿಎಂ ಚೀಟಿಯಲ್ಲಿ ಸ್ಪಷ್ಟವಾಗಿ ಬರೆದಿರುವ ಕನ್ನಡ ಲಿಪಿಯನ್ನು ನೋಡುವುದೇ ಕಣ್ಣಿಗೆ, ಮನಸ್ಸಿಗೆ ಮುದ ಕೊಡುತ್ತದೆ.
