ಕುಮಟಾ: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ, ಪ್ರಗತಿ ಬಂಧು ಸ್ವಸಹಾಯ ಸಂಘ ಕುಮಟಾ ವಲಯದ ಸಂಯುಕ್ತ ಆಶ್ರಯದಲ್ಲಿ ಇಲ್ಲಿಯ ಚಿತ್ರಿಗಿ ಮಹಾತ್ಮಾ ಗಾಂಧಿ ಪ್ರೌಢಶಾಲೆಯಲ್ಲಿ ಸ್ವಾಸ್ಥ್ಯ ಸಂಕಲ್ಪ ಎಂಬ ಆರೋಗ್ಯ ಸಂಬಂಧೀ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಇತ್ತೀಚಿನ ದಿನಗಳಲ್ಲಿ ಶಾಲಾ ವಿದ್ಯಾರ್ಥಿಗಳನ್ನೇ ಗುರಿಯಾಗಿಸಿಕೊಂಡು ದುಷ್ಕರ್ಮಿಗಳು ಸ್ಟಿಕರ್ ರೂಪದಲ್ಲಿ ಮಾದಕ ವಸ್ತುಗಳನ್ನು ಮಾರಾಟಮಾಡುವ ಆತಂಕಕಾರಿ ಸಂಗತಿಗಳು ಬೆಳಕಿಗೆ ಬರುತ್ತಿದ್ದು ಪಾಲಕರೆಲ್ಲ ಈ ಪರ್ವಕಾಲದಲ್ಲಿ ಜಾಗೃತರಾಗಿರಬೇಕಾದ ಸಂದರ್ಭ ಒದಗಿ ಬಂದಿದೆ ಎಂದು ಕಾರ್ಯಕ್ರಮವನ್ನು ಉದ್ಘಾಟಿಸಿ ಮುಖ್ಯಾಧ್ಯಾಪಕ ಎನ್.ಆರ್.ಗಜು ಅಭಿಪ್ರಾಯ ವ್ಯಕ್ತಪಡಿಸಿದರು. ಅವರು ನೆರೆಯ ಕಾಸರಗೋಡಿನಲ್ಲಿ ಪ್ರಚಲಿತ ವಿದ್ಯಮಾನವನ್ನು ಉದಾಹರಿಸಿ ಮಾತನಾಡಿದರು. ಮುಖ್ಯ ಸಂಪನ್ಮೂಲ ವ್ಯಕ್ತಿಯಾಗಿ ಆಗಮಿಸಿದ ನ್ಯಾಯವಾದಿ ಮತ್ತು ಜಿಲ್ಲಾ ಜನಜಾಗೃತಿ ವೇದಿಕೆ ಸದಸ್ಯೆ ಮಮತಾ ನಾಯ್ಕ ಉತ್ತಮ ಸಮಾಜ ನಿರ್ಮಾಣಕ್ಕೆ ವ್ಯಸನಮುಕ್ತ ಪರಿಸರ ನಿರ್ಮಿಸುವ ಜವಾಬ್ದಾರಿ ನಮ್ಮೆಲ್ಲರದ್ದಾಗಿದೆ ಎಂದರು. ಆ ನಿಟ್ಟಿನಲ್ಲಿ ಶಾಲಾ ಕಾಲೇಜು ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸಲು ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಘ ಕೈಗೊಂಡ ಚಟುವಟಿಕೆಗಳನ್ನು ಮುಕ್ತ ಕಂಠದಿಂದ ಶ್ಲಾಘಿಸಿದರು. ಪ್ರಾರಂಭದಲ್ಲಿ ಕುಮಾರಿ ಅಕ್ಷತಾ ಮತ್ತು ಸಂಗಡಿಗರು ಪ್ರಾರ್ಥಿಸಿದರು. ಶಿಕ್ಷಕ ಅನಿಲ್ ರೊಡ್ರಗೀಸ್ ಸ್ವಾಗತಿಸಿದರು. ಸಂಘದ ಮೇಲ್ವಿಚಾರಕ ರಾಘವೇಂದ್ರ ಪ್ರಾಸ್ತಾವಿಕ ಮಾತನಾಡಿದರು. ಶಿಕ್ಷಕ ವಿ.ಎನ್..ಭಟ್ಟ ನಿರೂಪಿಸಿದರು. ಸಂಘದ ಸಂಚಾಲಕಿ ರೂಪಾ ನಾಯರ್ ವಂದಿಸಿದರು. ಒಕ್ಕೂಟದ ವಲಯ ಅಧ್ಯಕ್ಷೆ ಪುಷ್ಪಾ ಕೋಮಾರಪಂತ ಉಪಸ್ಥಿತರಿದ್ದರು.

ಹೊನ್ನಾವರ : ತಾಲೂಕಿನ ಹಳದೀಪುರ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಬರುವ ಕರಿಮೂಲೆಯಲ್ಲಿ ಮದ್ಯದಂಗಡಿ ಹಾಗೂ ದಾಸ್ತಾನು ಮಾಡುವ ವಿಷಯ ತಿಳಿದ ಅಲ್ಲಿನ ನಿವಾಸಿಗಳು ತಮ್ಮ ಭಾಗದಲ್ಲಿ ಮದ್ಯದಂಗಡಿಗೆ ಪರವಾನಿಗೆ ನೀಡಬಾರದೆಂದು ತಾಲೂಕಾ ದಂಡಾಧಿಕಾರಿಗಳಿಗೆ ಹಾಗೂ ಅಭಕಾರಿ ಅಧಿಕಾರಿಗಗಳಿಗೆ ಮನವಿ ನೀಡಿದರು.
ಕರಿಮೂಲೆ ಹಾಗೂ ಬಗ್ರಾಣಿಗೆ ಹೋಗುವ ರಸ್ತೆಯ ಪಕ್ಕದಲ್ಲಿ ಮದ್ಯದಂಗಡಿ ಮಾಡಲು ಕಟ್ಟಡ ನಿರ್ಮಿಸಲಾಗಿದೆ. ಒಂದು ವೇಳೆ ಮದ್ಯದಂಗಡಿಗೆ ಇಲ್ಲಿ ಪರವಾನಿಗೆ ನೀಡಿದರೆ ಇಲ್ಲಿ ಓಡಾಡುವ ಪ್ರಾಥಮಿಕ ಶಾಲಾ ಮಕ್ಕಳಿಗೆ ಮಹಿಳೆಯರಿಗೆ ಹಾಗೂ ಸಾರ್ವಜನಿಕರಿಗೆ ತೊಂದರೆಯಾಗುವ ಸಾಧ್ಯತೆಗಳಿವೆ. ಊರಿನ ಮದ್ಯಭಾಗದಲ್ಲಿ ಮದ್ದಯದಂಗಡಿ ನಿರ್ಮಾಣವಾದರೆ ಕೆಲವು ಕಿಡಿಗೇಡಿಗಳಿಂದ ಹೆಣ್ಣುಮ,ಕ್ಕಳಿಗೆ ಮಾನಹಾನಿ ಯಾಗುವ ಸಾಧ್ಯತೆಗಳಿವೆ. ಈ ಹಿಂದೇ ಕೂಡ ಸಾಕಷ್ಟುಬಾರಿ ಈ ತರಹದ ಘಟನೆಗಳು ನಡೆದಿದೆ. ಈ ಪ್ರದೇಶದಲ್ಲಿ ಹಿಂದೂ ಮುಸ್ಲಿಂ ಹಲವು ವರ್ಷಗಳಿಂದ ಏಕತೆಯಿಂದ ಒಬ್ಬರಿಗ್ಗೊಬ್ಬರು ನೆರವಾಗಿ ಅನ್ಯೋನತೆಯಿಂದ ಬದುಕುತ್ತಿದ್ದು ಮದ್ಯದಂಗಡಿ ಆದರೆ ಕೆಲವರಿಂದ ಜಗಳ ಉಂಟಾಗಿ ಕೋಮು ಗಲಭೆಗೂ ತಿರುಗುವ ಸಾಧ್ಯತೆಗಳೂ ಇವೆ.
ಈ ಸಂಧರ್ಭದಲ್ಲಿ ಖಾರ್ವಿ ಸಮಾಜದ ಅಧ್ಯಕ್ಷರಾದ ಸುರೇಶ ಮೇಸ್ತ, ರಮೇಶ ಮೇಸ್ತ, ಗ್ರಾ.ಪಂ. ಸದಸ್ಯರಾದ ವಿನಾಕ ಶೇಟ್, ನಾಗವೇಣಿ ಗೌಡ, ಮಂಜುನಾಥ ಗೌಡ ನೌಶೀರ್ ಮುಂತಾದವರು ಇದ್ದರು

ಕುಮಟಾ ತಾಲೂಕಿನ ದೀವಗಿಯಲ್ಲಿರುವ ಶ್ರೀ ರಾಮಾನಂದ ಸ್ವಾಮೀಜಿ ಮಠದಲ್ಲಿ ಇಂದು ದಿನಾಂಕ ೨೪ ರಿಂದ ಶ್ರೀ ರಾಮತಾರಕ ನಾಮ ಭಜನಾ ಸಪ್ತಾಹ ಆರಂಭವಾಗಿದ್ದು ದಿನಾಂಕ ೩೧ರ ಮಧ್ಯಾಹ್ನದ ಪರ್ಯಂತ ಅಖಂಡವಾಗಿ ಶ್ರೀ ರಾಮತಾರಕನಾಮ ಭಜನೆ ನಡೆಯಲಿದೆ.
ವೈಶಿಷ್ಠಪೂರ್ಣವಾದ ಈ ಕಾರ್ಯಕ್ರಮ ಕಳೆದ ಸುಮಾರು ೨೦ವರ್ಷಗಳಿಂದ ನಡೆದುಬರುತ್ತಿದೆ.
ಕ್ಷೇತ್ರದೇವನಾದ ಶ್ರೀಆಂಜನೇಯನ ಎದುರಲ್ಲಿ ನಂದಾದೀಪ ಬೆಳಗಿ ಅದರ ಸುತ್ತಲೂ ಭಕ್ತವೃಂದ ಸುತ್ತಿರುಗುತ್ತಾ ರಾಮಭಜನಾ ನಿರತರಾಗುತ್ತಾರೆ.ಪ್ರತಿದಿನ ಸತ್ಯನಾರಾಯಣ ವೃತ, ಗುರುಭಿಕ್ಷ, ಪಾದಪೂಜೆ ಇತ್ಯಾದಿ ಕಾರ್ಯಕ್ರಮಗಳು ಭಕ್ತರಿಂದ ನಡೆಯಲ್ಪಡುತ್ತವೆ.
ಪ್ರತಿದಿನ ಸಂಜೆ ದೀಪೋತ್ಸವವನ್ನು ಮಾಡುತ್ತಾರೆ.
ಮೂರೂರು , ಕೋಣಾರೆ ಭಾಗದ ಭಕ್ತರಿಂದ ಸಾಯಂಕಾಲ ವಿಶೇಷ ಭಜನಾ ಕುಣಿತ ನೋಡಲು ಕಣ್ಣಿಗೆ ಹಬ್ಬವೇ ಸರಿ. ಕುಮಟಾ,ಹೊನ್ನಾವರ, ಸಿರ್ಸಿ, ಸಿದ್ಧಾಪುರ,ಯಲ್ಲಾಪುರ, ಈ ಎಲ್ಲಾ ತಾಲೂಕಿನ ವಿವಿಧೆಡೆಯಿಂದ ಭಕ್ತರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಪುನೀತರಾಗುತ್ತಾರೆ.ವರ್ಷದಿಂದ ವರ್ಷ ಭಕ್ತರು ಅಧಿಕ ಸಂಕ್ಯೆಯಲ್ಲಿ ಪಾಲ್ಗೊಂಡು ಶ್ರೀರಾಮಾಂಜನೇಯ ಹಾಗೂ ಸದ್ಗುರು ಶೀರಾಮಾನಂದರ ಕೃಪಾಪಾತ್ರರಾಗುತ್ತಿದ್ದಾರೆ. “ಶ್ರೀ ರಾಮ ಜಯ ರಾಮ ಜಯ ಜಯ ರಾಮ” ಎಂದು ಭಜಿಸಿ ರಾಮನ, ಒಲಿಸಿ ಹನುಮನ, ನಲಿಸಿ ಗುರುವನು, ಭಕ್ತರು ಕೃತಾರ್ಥರಾಗುತ್ತಿದ್ದಾರೆ.

• 
• ಉತ್ತರ ಕನ್ನಡ ಜಿಲ್ಲೆಯ, ಕುಮಟಾ ತಾಲೂಕಿನಲ್ಲಿ ಅರಣ್ಯ ಇಲಾಖೆಯವರು, ರವಿವಾರ ತಡರಾತ್ರಿ 2 ಗಂಟೆಯ ಸುಮಾರಿಗೆ, ಭರ್ಜರಿ ಕಾರ್ಯಾಚರಣೆ ನಡೆಸಿ, ಸುಮಾರು 1.50 ಲಕ್ಷ ಮೌಲ್ಯದ ಸಾಗವಾನಿ ಕಟ್ಟಿಗೆ ವಶಪಡಿಸಿಕೊಂಡಿದ್ದಾರೆ. ಬಡಾಳದಿಂದ ಕಾರ್ಗಲ್‍ಗೆ, ಲಗೇಜ್ ರಿಕ್ಷಾದಲ್ಲಿ 1.50 ಲಕ್ಷ ಬೆಲೆ ಬಾಳುವ, 14 ಸಾಗವಾನಿ ಮರದ ದಿಮ್ಮಿಗಳನ್ನು ಸಾಗಿಸುತ್ತಿದ್ದರು. ಈ ವೇಳೆ ಖಚಿತ ಮಾಹಿತಿಯೊಂದಿಗೆ ಕಾದು ಕುಳಿತ, ಕುಮಟಾ ಅರಣ್ಯ ಇಲಾಖೆಯ ಅಧಿಕಾರಿಗಳು ಹಾಗೂ ಸಿಬ್ಬಂಧಿಗಳು, ಆರೋಪಿತರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬಂಧಿತ ಆರೋಪಿಗಳನ್ನು ಕಾರ್ಗಲ್ ಮೂಲದ ಪಾರ್ಶ್ವನಾಥ ಮತ್ತು ಸಿದ್ಧರಾಜ ಎನ್ನಲಾಗಿದೆ. ಮತ್ತು ರಮೇಶ ಎನ್ನುವ ಆರೋಪಿ ತಪ್ಪಿಸಿಕೊಂಡಿದ್ದು, ಆತನಿಗಾಗಿ ಬಲೆಬೀಸಿದ್ದಾರೆ. ಈ ಕಟ್ಟಿಗೆಗಳನ್ನು ಕಾರ್ಗಲ್‍ನ ರಮೇಶ ಬೆಣ್ಣೆ ಎಂಬುವವರಿಗೆ ಸಾಗಿಸಲಾಗುತ್ತಿತ್ತು ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಮರ ಕಳ್ಳ ಸಾಗಾಣಿಕೆಯಲ್ಲಿ ಸ್ಥಳೀಯರ ಕೈವಾಡ ಇದೆಯೆನ್ನುವ ಅನುಮಾನ ಹುಟ್ಟಿಕೊಂಡಿದ್ದು, ತನಿಖೆಯಿಂದ ಮಾತ್ರ ತಿಳಿದುಬರಬೇಕಿದೆ.

ಕುಮಟಾ : ಬಸ್ಸ್ ಹಾಗೂ ಕಾರು ಮುಖಾಮುಖಿ ಡಿಕ್ಕಿ ಹೊಡೆದ ಪರುಣಾಮ ಕಾರಿನ ಚಾಲಕ ಸೇರಿದಂತೆ ಇರ್ವರು ಸ್ಥಳದಲ್ಲೇ ಮೃತಪಟ್ಟ ಘಟನೆ ಕುಮಟಾದ ದಿವಗಿ ಬಳಿ ನಡೆದಿದೆ.

ಅಪಘಾತದಲ್ಲಿ ಮೂರುವರ್ಷದ ಮಗು ಸೇರಿದಂತೆ ಮೂವರಿಗೆ ಗಂಭೀರ ಗಾಯವಾಗಿದ್ದು ಹೆಚ್ಚಿನ ಚಿಕಿತ್ಸಗಾಗಿ ಮಣಿಪಾಲ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ.
ಕಾರಿನ ಚಾಲಕ ಪ್ರಸನ್ನ ಮತ್ತು ಶಶಿಕಲಾ (೫೨) ಮೃತ ದುರ್ದೈವಿಗಳಾಗಿದ್ದು, ನಂದಿನಿ , ಸೌಮ್ಯಾ , ಶಶಾಂಕ , ಶ್ವಾವತ್ , ಹಾಗೂ ಸಚೀನ ಎಂಬುವವರಿಗೆ ಗಂಭೀರ ಗಾಯವಾಗಿದೆ.ಇವರು ಮಂಗಳೂರು ಮೂಲದವರೆಂದು ತಿಳಿದುಬಂದಿದೆ.

ಕುಮಟಾ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.