ಶಿರಸಿ : ಎರಡು ಚಿನ್ನದ ಅಂಗಡಿ ಹಾಗೂ ಒಂದು ಪಾತ್ರೆ ಅಂಗಡಿಯಲ್ಲಿ ಕಳ್ಳತನದ ಯತ್ನ ನಡೆದಿರುವ ಬಗ್ಗೆ ವರದಿಯಾಗಿದೆ. ವರದಿಯಾಗಿದೆ. ಚಿನ್ನದ ಅಂಗಡಿಯೊಂದರಲ್ಲಿ ಗ್ರಾಹಕರ ಸೋಗಿನಲ್ಲಿ ಬಂದು ಸರಗಳನ್ನು ಎಳೆದು ಪರಾರಿಯಾದ ಘಟನೆ ತಾಲೂಕಿನಲ್ಲಿ ಹಸಿ ಹಸಿಯಾಗಿ ಇರುವಾಗಲೇ ನಿನ್ನೆ ರಾತ್ರಿ ಸರಣಿ ಕಳ್ಳತನ ಯತ್ನ ನಡೆದಿರುವುದು ಇದೀಗ ಜನತೆಯ ಭಯ ಹೆಚ್ಚಿಸಿದೆ.
ಶಿರಸಿಯ ಮಾರ್ಕೇಟ್ ರೋಡ್ನಲ್ಲಿರುವ ಅಭಿಷೇಕ್ ಜ್ಯುವೇಲರಿ, ಸಂಗಮ ಜ್ಯುವೆಲರಿ ಹಾಗೂ ಪಾತ್ರೆ ಪರಿಕರದ ಅಂಗಡಿಯಲ್ಲಿ ಕಳ್ಳತನಕ್ಕೆ ಪ್ರಯತ್ನಿಸಲಾಗಿದೆ ಎಂದು ಸ್ಥಳೀಯ ವರದಿ ಲಭ್ಯವಾಗಿದೆ.
ಕಳ್ಳರು ಅಭಿಷೇಕ್ ಜ್ಯುವೇಲರಿಯಲ್ಲಿ ತಾರಸಿಯನ್ನು ಒಡೆದು ಅಂಗಡಿಯಲ್ಲಿ ಕಳ್ಳತನಕ್ಕೆ ಪ್ರಯತ್ನ ಮಾಡಿದ್ದಾರೆ. ಆದರೆ ಬಾಗಿಲನ್ನು ಎಳೆದಾಗ ಅಲಾರಾಂ ಸಿಸ್ಟ್೦ ಗಂಟೆ ಬಾರಿಸಿದಾಗ ಕಳ್ಳರು ಪಲಾಯನಮಾಡಿದ್ದಾರೆ ಎಂದು ಅನುಮಾನಿಸಲಾಗಿದೆ.
ಕಳ್ಳರು ಯತ್ನ ನಡೆಸಿದ್ದ ಅಷ್ಟೇ ಬಿಟ್ಟರೆ ಆಭರಣಗಳ ಕಳ್ಳತನವಾಗಿಲ್ಲವೆಂದು ವರದಿಯಾಗಿದ್ದು, ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ ಎನ್ನಲಾಗಿದೆ ಪೊಲೀಸ್ ತನಿಖೆ ನಂತರ ಪೂರ್ಣ ಮಾಹಿತಿ ತಿಳಿದುಬರಬೇಕಿದೆ.
