ಕುಮಟಾ : ಅರಣ್ಯವಾಸಿಗಳ ಸಮಸ್ಯೆಗಳ ಕುರಿತು ಕತಗಾಲ ವಲಯ ಅರಣ್ಯಾಧಿಕಾರಿಯೊಂದಿಗೆ ಚರ್ಚೆ ಹಾಗೂ ಕಸ್ತೂರಿ ರಂಗನ್ ವರದಿ ವಿರೋಧ ಆಕ್ಷೇಪಣಾ ಪತ್ರ ಸಲ್ಲಿಸುವ ಕುರಿತು ಕುಮಟಾ ತಾಲೂಕಿನ ಅಳಕೋಡ(ಕತಗಾಲ್) ಗ್ರಾಮ ಪಂಚಾಯತದಲ್ಲಿ ನ. ೧೮ ರ ಮಧ್ಯಾಹ್ನ ೨:೩೦ ಕ್ಕೆ ಸಭೆ ಕರೆಯಲಾಗಿದೆ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕಸ್ತೂರಿ ರಂಗನ್ ವರದಿಗೆ ಆಕ್ಷೇಪಣೆ ಸಲ್ಲಿಸುವಂತಹ ಹಾಗೂ ಅರಣ್ಯವಾಸಿಗಳ ಸಮಸ್ಯೆಗಳ ಬಗ್ಗೆ ಆಸಕ್ತಿ ಇರುವಂತಹ ಅರಣ್ಯವಾಸಿಗಳು ಈ ಸಮಯದಲ್ಲಿ ಕತಗಾಲ ಗಣೇಶೋತ್ಸವ ಸಭಾಂಗಣದಲ್ಲಿ ಹಾಜರಿರಲು ಅವರು ಕೋರಿದ್ದಾರೆ. ಜೊತೆಗೆ ಗುರುತಿನ ಪತ್ರ ಹೊಂದಿರುವವರು ಗುರುತಿನ ಪತ್ರ ಧರಿಸಿ ಬರಬೇಕೆಂದೂ ಅವರು ತಿಳಿಸಿದ್ದಾರೆ.
