ಯಾವುದೇ ಮಾಹಿತಿ ಬೇಕಿದ್ದರೂ ಥಟ್‌ ಅಂತಾ ನೆನಪಾಗೋದೇ ಗೂಗಲ್‌ ಕ್ರೋಮ್ ಬ್ರೌಸರ್‌. ಆದರೆ ಇದೀಗ ಗೂಗಲ್‌ ಕ್ರೋಮ್ ಅನ್ನು ಬಳಸೋರಿಗೆ ಭಾರತ ಸರ್ಕಾರ ಬಿಗ್‌ ಶಾಕ್‌ ನೀಡಿದೆ. ನೀವು ಬಳಸುತ್ತಿರುವ ಗೂಗಲ್‌ ಕ್ರೋಮ್‌ನಲ್ಲಿ ಹಲವು ಲೋಪದೋಷಗಳು ಕಂಡು ಬಂದಿದ್ದು, ಇದನ್ನು ಬಳಸುವುದರಿಂದ ನಿಮ್ಮ ಪ್ರೈವೆಸಿಗೆ ದಕ್ಕೆ ಆಗೋದು ಗ್ಯಾರಂಟಿ ಅನ್ನೋ ವಿಚಾರವನ್ನು ಭಾರತ ಸರ್ಕಾರದ ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೆನ್ಸಿ ರಸ್ಪಾನ್ಸ್‌ ಟೀಮ್‌ (CERT-In) ಬಹಿರಂಗಪಡಿಸಿದೆ.
ಗೂಗಲ್‌ ಕ್ರೋಮ್‌ನಲ್ಲಿ ದೋಷಗಳು ಕಾಣಿಸಿಕೊಂಡಿವೆ. ಇದರಿಂದ ಗ್ರಾಹಕರ ಮಾಹಿತಿ ಹ್ಯಾಕರ್‌ಗಳ ಕೈ ಸೇರುತ್ತಿದೆ. ಬಳಕೆದಾರರು ಇದರಿಂದ ಎಚ್ಚರಿಕೆ ವಹಿಸಬೇಕು ಅಂತಾ ಭಾರತ ಸರ್ಕಾರದ ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೆನ್ಸಿ ರಸ್ಪಾನ್ಸ್‌ ಟೀಮ್‌ (CERT-In) ಹೇಳಿದೆ. ಅಷ್ಟೇ ಅಲ್ಲ ಗೂಗಲ್‌ ಕ್ರೋಮ್‌ನಲ್ಲಿನ ದೋಷಗಳನ್ನು ಬಳಸಿಕೊಂಡು ಹ್ಯಾಕರ್‌ಗಳು ಅನಿಯಂತ್ರಿತ ಕೋಡ್‌ ಅನ್ನು ಕಾರ್ಯಗತಗೊಳಿಸುತ್ತಿದ್ದಾರೆ CERT-In ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ ಬರೆದಿದೆ.
ಭಾರತ ಸರ್ಕಾರದ ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೆನ್ಸಿ ರಸ್ಪಾನ್ಸ್‌ ಟೀಮ್‌ (CERT-In) ಮತ್ತೊಮ್ಮೆ ಭಾರತೀಯರಿಗೆ ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದೆ. ಈ ಭಾರಿಯು ಕೂಡ ಗೂಗಲ್‌ ಕ್ರೋಮ್ ಬಳಸುವವರು ಎಚ್ಚರಿಕೆಯನ್ನು ವಹಿಸುವಂತೆ ಹೇಳಿದೆ. ವೆಬ್‌ ಟ್ರಾನ್ಸಪೋರ್ಟ್‌, WebRTC ಮತ್ತು ಗೆಸ್ಟ್‌ವ್ಯೂ ಹಾಗೂ ಮತ್ತು ಸರ್ವಿಸ್‌ವರ್ಕರ್‌ API ನಲ್ಲಿ ಹಲವು ದೋಷಗಳು ಕಂಡುಬಂದಿವೆ. ಇದೇ ಕಾರಣಕ್ಕೆ ಗೂಗಲ್‌ ಕ್ರೋಮ್‌ನಲ್ಲಿ ಅನೇಕ ಲೋಪದೋಷಗಳು ಕಾಣಿಸಿಕೊಂಡಿವೆ ಎಂದು ಹೇಳಿದೆ. ಇದರಿಂದ ಹ್ಯಾಕರ್‌ಗಳು ಬಳಕೆದಾರರ ಸೂಕ್ಷ್ಮ ಮಾಹಿತಿಗೆ ಪ್ರವೇಶವನ್ನು ಪಡೆಯಲು ಅನುಮತಿಸಲಿದೆ.
ಇನ್ನು ಕ್ರೋಮ್ ಸಪೊರ್ಟ್‌ ಪೇಜ್‌ನಲ್ಲಿ ಗೂಗಲ್‌ ಕೂಡ ಈ ದೋಷಗಳ ಬಗ್ಗೆ ಒಪ್ಪಿಕೊಂಡಿದೆ. ಅಲ್ಲದೆ ಈ ದೋಷಗಳು ನಾಲ್ಕು CVE ಗಳಿಗೆ ಸಂಬಂಧಿಸಿದೆ ಎಂದು ಹೇಳಿಕೊಂಡಿದೆ. ಇವುಗಳನ್ನು CVE-2023-0471, CVE-2023-0472, CVE-2023-0473, CVE-2023-0474 ಎಂದು ಹೆಸರಿಸಲಾಗಿದೆ. ಇದನ್ನು ನಿವಾರಿಸುವ ನಿಟ್ಟಿನಲ್ಲಿ ಮುಂದಿನ ವಾರದ ಒಳಗೆ ಮ್ಯಾಕ್‌ ಹಾಗೂ ಲಿನಕ್ಸ್‌ನಲ್ಲಿ ಕ್ರೋಮ್ ಆವೃತ್ತಿ 109.0.5414.119 ಮತ್ತು ವಿಂಡೋಸ್‌ನಲ್ಲಿ 109.0.5414.119/.120 ಆವೃತ್ತಿಯನ್ನು ಹೊರತರುವುದಾಗಿ ಹೇಳಿದೆ. ಆದರಿಂದ ಬಳಕೆದಾರರು ಶೀಘ್ರದಲ್ಲೇ ಗೂಗಲ್‌ ಕ್ರೋಮ್ ಅನ್ನು ಅಪ್ಡೇಟ್‌ ಮಾಡಬೇಕಾಗುತ್ತದೆ.
ಗೂಗಲ್‌ ಕ್ರೋಮ್ ಮಾತ್ರವಲ್ಲದೆ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ಸ್ಟೋರ್‌ ಆಯಪ್‌ನಲ್ಲಿಯೂ ಕೂಡ ದೋಷವನ್ನು ಪತ್ತೆ ಹಚ್ಚಲಾಗಿದೆ. ಈ ಆಯಪ್‌ನ ಎಲ್ಲಾ ಆವೃತ್ತಿಗಳಲ್ಲಿಯೂ ಕೂಡ ದುರ್ಬಲತೆಯನ್ನು ಕಂಡುಹಿಡಿದಿರುವುದಾಗಿ CERT-In ಹೇಳಿದೆ. ಆದರಿಂದ ಸ್ಯಾಮ್‌ಸಂಗ್‌ ಫೋನ್‌ ಬಳಸುವ ಗ್ರಾಹಕರು ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ಸ್ಟೋರ್‌ ಅಪ್ಲಿಕೇಶನ್‌ ಬಳಸುವುದನ್ನು ಸ್ಟಾಪ್‌ ಮಾಡುವುದು ಸೂಕ್ತ ಎಂದು ಹೇಳಿದೆ.
source: gizbot.com
