ಬೇಕಾಗುವ ಪದಾರ್ಥಗಳು
ತುಪ್ಪ – 1 ಚಮಚ
ದ್ರಾಕ್ಷಿ – ಸ್ವಲ್ಪ
ಗೋಡಂಬಿ – ಸ್ವಲ್ಪ
ಹಾಲು – 3 ಬಟ್ಟಲು
ಸಕ್ಕರೆ – 1/4 ಬಟ್ಟಲು
ಪನ್ನೀರ್ – ಅರ್ಧ ಬಟ್ಟಲು
ಏಲಕ್ಕಿ ಪುಡಿ – ಚಿಟಿಕೆಯಷ್ಟು
ಮಾಡುವ ವಿಧಾನ…
ಮೊದಲು ಬಾಣಲೆಗೆ 1 ಚಮಚ ತುಪ್ಪವನ್ನು ಹಾಕಿ ದ್ರಾಕ್ಷಿ, ಗೋಡಂಬಿಯನ್ನು ಕೆಂಪಗೆ ಹುರಿದುಕೊಳ್ಳಬೇಕು.
ನಂತರ ಹಾಲನ್ನು ಹಾಕಿ ಕಾಯಲು ಬಿಡಬೇಕು. ಆಗಾಗ ಕೈಯಾಡಿಸಿ ಹಾಲು ಗಟ್ಟಿಯಾಗುವಂತೆ ಕಾಯಿಸಬೇಕು.
ಹಾಲು ಗಟ್ಟಿಯಾದ ಬಳಿಕ ಸಕ್ಕರೆ, ಪನ್ನೀರ್ ಹಾಕಿ 5 ನಿಮಿಷಗಳ ಕಾಲ ಕಾಯಲು ಬಿಟ್ಟು, ಕೊನೆಯಲ್ಲಿ ಏಲಕ್ಕಿ ಪುಡಿ ಹಾಕಿ ಡ್ರೈ ಫ್ರೂಟ್ಸ್ ಹಾಕಿ ಅಲಂಕರಿಸಿದರೆ ರುಚಿಕರವಾದ ಪನ್ನೀರ್ ಕೀರ್ ಸವಿಯಲು ಸಿದ್ಧ.
