ನಮ್ಮ ಮನೆಯಲ್ಲಿ ಇನ್ಸುಲಿನ್ ಗಿಡ ಬಹಳಷ್ಟು ಬೆಳೆದು ಸಾಕಷ್ಟು ಎಲೆಗಳಿವೆ. ಡಯಾಬಿಟಿಸ್ ರೋಗಿಗಳಿಗೆ ಇದು ತುಂಬಾ ಸಹಾಯಕವಾದ ಮದ್ದು.ಎಲೆ ಹುಳಿಯ ರುಚಿ ಹೊಂದಿದೆ. ನಾನು ಅದರ ತಂಬುಳಿ ಮಾಡೋಣವೆಂದು ಅಂದುಕೊಂಡೆ.
ನಾಲ್ಕೈದು ಎಲೆ ತಂದು ತೊಳೆದು ಹೆಚ್ಚಿದೆ.ಬಾಣಲೆಯನ್ನು ಒಲೆ ಮೇಲಿಟ್ಟು ಸ್ವಲ್ಪ ಎಣ್ಣೆ ಹಾಕಿದೆ.ಅದಕ್ಕೆ ಜೀರಿಗೆ ಹಾಕಿ ಹುರಿದು ಸೊಪ್ಪು ಹಾಕಿ ಹುರಿದೆ. ಎಲೆಯ ಬಣ್ಣ ಬದಲಾಯಿತು.
ಅದು ಸಂಪೂರ್ಣ ತಣಿದ ಮೇಲೆ ಮಿಕ್ಸಿ ಜಾರಿಗೆ ಹಾಕಿದೆ.ಜೊತೆ ಒಂದು ಚಿಕ್ಕ ಕಪ್ ಕಾಯಿತುರಿ ಒಂದು ಕಪ್ ಮೊಸರು ಹಾಕಿ ರುಬ್ಬಿದೆ.ಈಗ ತಂಬುಳಿ ಕಲ್ಕು ತಯಾರಾಯಿತು.ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಸೋಸಿದೆ.ಬಂದ ರಸಕ್ಕೆ ಉಪ್ಪು ಸೇರಿಸಿದರೆ ಕುಡಿಯುವ ತಂಬುಳಿ ಅಗುತ್ತದೆ.ಸಾಸಿವೆ ಒಣಮೆಣಸು
ಜೀರಿಗೆ ಇಂಗು ಒಗ್ಗರಣೆ ಮಾಡಿದರೆ ಅನ್ನದ ಜೊತೆ ಊಟ ಮಾಡಬಹುದು.ಅರೋಗ್ಯಕ್ಕೆ ತುಂಬಾ ಒಳ್ಳೆಯದು. ಮಾಡಿ ನೋಡಿ. ಸವಿಯ ಹೇಳಿ.
ಕಲ್ಪನಾಅರುಣ
ಬೆಂಗಳೂರು
