ಅವಲಕ್ಕಿ ಚೂಡಾವ …!!

ಬೇಕಾಗುವ ಸಾಮಗ್ರಿಗಳು:

2 ಲೋಟ ಅಥವಾ 1/2 ಕೆ ಜಿ ತೆಳು ಅವಲಕ್ಕಿ
4 ಚಮಚ ಎಣ್ಣೆ
2 ಚಮಚ ಕಡಲೆಬೀಜ
2 ಚಮಚ ಹುರಿಗಡಲೆ
2 ಚಮಚ ಒಣದ್ರಾಕ್ಶಿ
1 ಚಮಚ ಜೀರಿಗೆ
1 ಚಮಚ ಸಾಸಿವೆ
10 ಚಮಚ ಒಣ ಕೊಬ್ಬರಿ ತುರಿ ಅತವಾ ತೆಳು ಹೋಳುಗಳು
1 ಚಮಚ ಉಪ್ಪು
1/2 ಚಮಚ ಸಕ್ಕರೆ
1/2 ಚಮಚ ಅರಿಶಿಣ
1/2 ಚಮಚ ಇಂಗು
10 ಗೋಡಂಬಿ
2 ಒಣಮೆಣಸಿನಕಾಯಿ
2 ಹಸಿಮೆಣಸಿನಕಾಯಿ
10-15 ಕರಿಬೇವಿನ ಎಸಳು

ತಯಾರಿಸುವ ವಿಧಾನ:

1.ತೆಳು ಅವಲಕ್ಕಿಯನ್ನು ಬಿಸಿಲಿನಲ್ಲಿ 4-5 ತಾಸು ಇಟ್ಟು ಒಣಗಿಸಿಕೊಳ್ಳಿ.

2.ಒಂದು ಅಗಲ ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ, ಸಣ್ಣ ಉರಿಯಲ್ಲಿ ಇಟ್ಟು ಒಗ್ಗರಣೆ ಹಾಕಿರಿ.

3.ಮೊದಲು ಸಾಸಿವೆ , ಜೀರಿಗೆ ನಂತರ ಕರಿಬೇವು , ಇಂಗು , ಕತ್ತರಿಸಿದ ಹಸಿ ಮೆಣಸಿನಕಾಯಿ ಹಾಗೂ ಒಣಮೆಣಸಿನಕಾಯಿ ಮುರಿದು ಹಾಕಿ ಕೈಯಾಡಿಸಿ.

4.ತೆಳ್ಳಗೆ ಕತ್ತರಿಸಿದ ಒಣ ಕೊಬ್ಬರಿ ಚೂರುಗಳನ್ನು ಅತವಾ ಒಣ ಕೊಬ್ಬರಿ ತುರಿಯನ್ನು ಹಾಕಿ, ಕೈಯಾಡಿಸಿ.

5.ಕಡಲೆಬೀಜ , ಹುರಿಗಡಲೆ , ಒಣದ್ರಾಕ್ಶಿ ಮತ್ತು ಗೋಡಂಬಿ ಚೂರು ಮಾಡಿ ಹಾಕಿ ಹುರಿಯಿರಿ.

6.ಕೊನೆಗೆ ಸಕ್ಕರೆ , ಉಪ್ಪು ಮತ್ತು ಅರಿಶಿಣ ಹಾಕಿ ಚೆನ್ನಾಗಿ ಕಲಸಿ ಒಲೆ ಆರಿಸಿ .
ನಂತರ ತೆಳು ಅವಲಕ್ಕಿ ಸೇರಿಸಿ ಚೆನ್ನಾಗಿ ಕಲಸಿ ಇಟ್ಟುಕೊಂಡರೆ ಸಂಜೆ ತಿನ್ನಲು ಹಚ್ಚಿದ ಅವಲಕ್ಕಿ/ ಚೂಡಾ ಅವಲಕ್ಕಿ ರೆಡಿ.
ಡಬ್ಬದಲ್ಲಿ ಎತ್ತಿಟ್ಟು, ಯಾವಾಗ ಬೇಕಾದರೂ ತಿನ್ನಬಹುದು